«Зэкъошныгъ» Мыекъуапэ — СКА Ростов-на-Дону — 1:0 (0:0). Чъэпыогъум и 22-м АР-м истадион щешIагъэх.

«Зэкъошныгъ»: Ковалев, Кириленко, ХъуакIо, Гусенгаджиев, Лысенко, Байрамян (Телепов, 78), Крылов (Хьасанэкъу, 89), Макоев, Орзей, Пекъу, Iащэ. Къэлапчъэм Iэгуаор дэзы­дзагъэр: Кириленко, 59 — «Зэ­къошныгъ».

СКА-м иешIакIоу А. Федчук я 49-рэ такъикъым изакъоу тикъэлэпчъэIутэу Р. Ковалевым къе­кIугъ. ГуIэм хэтэу Iэгуаом зеом, къэлэпчъэбгыкъум тыригъэфагъ.

Зэхэщэн Iофхэр нахьышIоу ыгъэцакIэхэзэ, «Зэкъошныгъэр» ыпэкIэ зэрилъыщтым пылъыгъ. А. Iащэр ухъумакIохэм ябгъукIозэ СКА-м иешIакIохэм ащыщ шап­хъэр ыукъуагъ. А. Макоевыр метрэ 17 фэдизкIэ къэлапчъэм пэчыжьэу тазырыр ыгъэцэкIагъ. Лъэшэу Iэгуаом зеом, къэлэпчъэ­Iутэу А. Сутиным Iэгуаор къызэкIидзэжьынэу игъо ифагъ. И. Кириленкэр ащ лъыпытэу метри 6 фэдизкIэ зыпэчыжьэ къэлапчъэм дауи, хъагъэм Iэгуа­ор ридзагъ.

СКА-р пчъагъэу 1:0-м емызэгъэу ыпэкIэ къилъыщтыгъэми, «Зэкъошныгъэм» иухъумакIохэм ашIокIын ылъэкIыщтыгъэп. ЕшIапIэм къихьэгъэ къодыеу А. Хьасанэкъор СКА-м икъэлапчъэ лъэшэу дэуагъ. А. Су­тиным Iэгуа­ом зылъидзи, кIуапIэ ритыгъэп. Пчъа­гъэр 2:0 хъугъэп, арэу щытми, «Зэ­къошныгъэм» тигъэгушIуагъ.

ЕплъыкIэхэр

— Новорос­сийскэ икомандэ 6:1-у блэкIыгъэ ешIэгъур зэрэтшIуихьыгъэм тигъэгумэкIыгъ. Футболыр зыгу ри­хьы­хэрэр дгъэгушIохэ тшIоигъоу СКА-м тыIукIагъ. ЗэкIэ ти­ешIа­кIохэм тафэраз, — къытиIуагъ «Зэ­къошныгъэм» итренер шъхьа­Iэу ШакIо Ащэ­мэз.

Я 14-рэ зэIукIэ­гъухэр

«Кубань Холдинг» «Ессентуки» — 5:0, «Биолог» — «Форте» — 1:1, «Легион» — «Динамо» — 2:2, «Алания-2» — «Чайка» — 0:3, «Ротор» — «Спартак» — 1:4, «Черноморец» — «Мэщыкъу» — 3:1. Зэтэгъапшэх 1. «Чайка» — 33 2. «Черноморец» — 33 3. «Ротор» — 27 4. «Кубань Х» — 27 5. «Биолог» — 25 6. «Спартак» — 22 7. «Форте» — 21 8. СКА — 17 9. «Зэкъошныгъ» — 15 10. «Динамо» — 13 11. «Мэщыкъу» — 13 12. «Легион» — 10 13. «Алания-2» — 7 14. «Ессентуки» — 5. Я 15-рэ ешIэгъухэр 28.10 «Ессентуки» — «Алания-2» 29.10 «Динамо» — «Черноморец» «Форте» — «Кубань Х» «Мэщыкъу» — «Ротор» «Чайка» — «Зэкъошныгъ» СКА — «Легион» «Спартак» — «Биолог».