«Феникс» Китай – «АГУ-Адыиф» Мыекъуапэ – 31:28 (16:15). Чъэпыогъум и 14-м Москва щызэIукIагъэх.

«Адыиф»: къэлэпчъэIутхэр: Якупова, Баскакова; ешIакIохэр: Краснокутская – 3, Никулина – 1, Кириллова – 7, Къэбж – 2, Куцевалова – 9, Казиханова – 5, Краснова – 1, Морозова, Мещерякова, Голунова, Колодяжная, Сиднина.

«Феникс» Китай къыхэщыгъэ­хэр: Линь – 7, Тянь – 6, Ли – 5.

Китаим икомандэ апэрэу Урысыем исуперлигэ щешIэ. Пчъагъэр зэрэлъыкIуатэщтыгъэр: 4:3, 12:9, 14:11. А. Куцеваловам я 29-рэ такъикъым «Феникс» икъэ­лапчъэ Iэгуаор дедзэ – 16:14. Я 43-рэ такъикъым Д. Казихановам гугъэу тиIэм хегъахъо, къэлап­чъэм дахэу Iэгуаор дидзагъ – 23:22-рэ. «Адыифыр» егугъущтыгъэми, «Феникс» къыдэхъущтыгъэр нахьыбагъ. Т. Кирилловам хъагъэм Iэгуаор ридзи пчъагъэр 30:27-рэ зэхъум «Адыифым» икIэрыкIэу тигъэгугъагъ, ау «Феникс» текIоныгъэм нахь фэхьазырэу кIэухым ешIагъ.

– Китаим ихэшыпыкIыгъэ командэ хэт ешIэкIуитIу зэIукIэгъур зыщытиIэщт мафэм «Феникс» аштагъ, ахэр яIэпэIэсэныгъэкIэ лъэшэу къахэщыгъэх, гъогогъу 11 тикъэлапчъэ Iэгуа­ор къыдадзагъ. Кирилловар, Куцеваловар, Казихановар, нэ­мыкIхэри дэгъоу ешIагъэх, – къытиIуагъ «Адыифым» итренер шъхьаIэу Александр Реввэ.

Зэнэкъокъухэр

«Астраханочка» – «Луч» – 38:22, ЦСКА – «Кубань» – 36:23, «Астраханочка» – «Звезда» – 31:32, «Динамо» – «Луч» – 28:21. Чъэпыогъум и 16-м «Адыифыр» ЦСКА-м Москва щыIукIагъ. Пчъа­гъэр 36:21-у ЦСКА-м текIоныгъэр къыдихыгъ.