Мыекъопэ къэралыгъо технологическэ университетым истуденткэу Анна Горковенкэр дизайнер ныбжьыкIэхэм я Дунэе зэнэкъокъоу «Адмиралтейская игла» зыфиIорэм хэлэжьагъ ыкIи хагъэунэфыкIырэ чIыпIэ къыщыдихыгъ.

Пыдзафэ шэкIым фэмыхъунымкIэ технологиер къызфигъэфедэзэ кол­лекциеу «Душу грея» зы­фиIорэр Аннэ ыгъэхьа­зырыгъ.

Промышленнэ технологиехэмкIэ ыкIи дизайнымкIэ Санкт-Петербург къэралыгъо университетым зэнэкъокъур щыкIуагъ. Италием, Германием, Япо­нием, Финляндием, Китай, Беларусь, Украинэм ыкIи Урысыем идизайнер ныбжьыкIэхэр ащ хэлэ­жьагъэх. Хэгъэгу 25-мэ къарыкIыгъэ специалист 25-рэ жюрим хэсыгъ.

«Душу грея» зыфиIорэ коллекциер Аннэ ышIы зэхъум Мыекъопэ къэ­ралыгъо технологическэ университетым щылажьэу, искусствоведениемкIэ кандидатэу КIэдэкIое Нэфсэт игъусагъ. Урыс культурэр щыгъын зэфэшъхьафэу адыгъэхэмкIэ къагъэлъэгъуагъ. Коллекцием идын шэн зэфэ­шъхьафэу бэ хагъэхьа­гъэр, пыдзафэ зи фамы­шIыным дэлэжьагъэх.

Зэфэхьысыжьэу ашIыгъэхэмкIэ, Анна Горковенкэм лъэныкъоу «Циркулярная мода» зыфи­Iо­рэм ятIонэрэ чIыпIэ къыщыдихыгъ. Гъэмафэм унэе академиеу «NАBА» зыфиIоу Милан дэтым иIэпэIэсэныгъэ щыхигъэхъон амал ащ иIэ хъугъэ.