Урысые Федерацием футболымкIэ иапшъэрэ куп щызэнэкъокъухэрэ командэхэм чъэпыогъум и 7 — 9-м я 12-рэ ешIэгъухэр яIагъэх.

ЗэIукIэгъухэр

«Урал» — «Химки» — 2:1, еплъыгъэр 2487-рэ, «Факел» — «Зенит» — 1:1, 15967, ЦСКА — «Динамо» — 1:1, 9521, ­«Шъачэ» — «Локомотив» — 4:0, 3366, «Спартак» — «Крылья Советов» — 5:2, 12222, «Торпедо» — «Пари НН» — 0:0, 4487, «Оренбург» — «Ахмат» — 2:1, 4512, «Ростов» — «Краснодар» — 3:2, 8325.

Къахэщыгъэхэр

Мыгъэ апшъэрэ купым къэзыгъэзэжьыгъэ «Факел» «Зенит» дэгъоу дешIагъ. Г. Гонгадзе я 12-рэ такъикъым «Зенит» икъэлапчъэ Iэгуаор дидзагъ. Урысыем ичемпионэу, «Зенит» иешIакIоу Малком я 28-рэ такъикъым пчъа­гъэр зэфэдиз ышIыжьыгъ. Ащ ыуж текIоныгъэр зыхьыщтыр язэ­рэмыгъашIэу командэхэр зэдешIагъэх. «Зенит» текIоныгъэм нахь пэблагъэу къэлъагъощты­гъэми, «Факел» иешIакIэ зэрэхигъэхъуагъэр зэIукIэгъум къыхэщыгъ. Апшъэрэ купым къыхэ­нэжьынымкIэ Воронеж икомандэ амалышIухэр иIэх.

Пчъагъэр хоккеим фэд

«Спартак» Самарэ икомандэ зэрэтекIуагъэм къыхэдгъэщырэр ешIакIо пэпчъ гуетныгъэ ин къы­зэригъэлъагъорэр ары. Я 6-рэ такъикъым Ежовым «Спартак» икъэлапчъэ Iэгуаор дидзагъ.

Я 45+5 ыкIи 90+5-м Промес гъо­гогъуитIо «Крылья Советовым» икъэлапчъэ Iэгуаор дидзагъ. А. Соболевыр я 50-рэ ыкIи 61-рэ такъикъхэм къахэщыгъ.

Р. Литвиновыми хъагъэм дахэу Iэгуаор ридзагъ.

Хоккей ешIэрэ командэхэм зэIукIэгъур зэраухырэ пчъагъэм фэдэу футболым щызэнэкъокъугъэхэу плъытэ хъущт. «Спартак» псынкIэу, зэгурыIоныгъэ хэлъэу ешIэ, зэнэкъокъум щылъыкIотэн ылъэкIыщт.

Ижъырэ адыгэ къалэу Шъачэ икомандэ иешIакIэ къегъотыжьы. К. Нобоа, В. Сарвели, Ж. Жоазиньо гъогогъуитIо хъагъэм Iэ­гуаор дадзагъ.

Рекорд ыгъэуцугъ

«Ростов» «Краснодар» зэрэдешIагъэр тарихъым хэкIокIэщтэп. «Краснодар» иешIакIохэу О. Олусегун, Д. Кордоба къэлапчъэм Iэгуаор гъогогъуи 2 дадзагъ. Пчъагъэр 2:0-у «Краснодар» зэIукIэгъур къыхьыщтыгъ, ау Сильяновым, Полоз, пе­нальтикIэ, Мироновым «Краснодар» икъэлапчъэ Iэгуаор дадзагъ, 3:2-у зэIукIэгъур «Ростов» ыхьыгъ.

Я 59-рэ такъикъым «Краснодар» иухъумакIоу Кайо шапхъэр зеукъом, судьям ешIапIэм ригъэ­кIыгъ, пенальтир Полоз дэгъоу ыгъэцакIи, пчъагъэр зэфэдэ хъу­гъэ. Бэ темышIэу А. Мироновым хъагъэм Iэгуаор дидзагъ — 3:2.

ЗэIукIэгъур 2:0-у «Краснодар» къыхьызэ пчъагъэр 2:3

зэ­рэхъугъэм изакъоп дгъэшIагъорэр, «Краснодар» иешIакIоу Ахметовым «Ростов» икъэлэпч­ъэпкъ Iэгуаор зэрэтыригъэ­фагъэри къы­хэтэгъэщы. Арэу щытми, зэIукIэгъум щагъэуцугъэ рекордыр зэ­кIэми анахь ­гъэ­шIэгъон.

Тарихъым щыщ

1999-рэ илъэсым Урысыем изэнэкъокъу щызэIукIагъэх «Шинник» ыкIи «Ротор». «Шинник» иешIакIоу Алексей Бичковым зэIукIэгъум ия 9-рэ нэгъэупIэпIэгъум «Ротор» икъэлапчъэ Iэгуаор дидзагъ, рекорд ыгъэуцугъ.

«Краснодар» Ростов-на-Дону щешIэзэ Э. Сперцян псынкIэу ыпэкIэ илъыгъ, О. Олсегун Iэ­гуаор ритыгъ. О. Олсегун къэлапчъэм Iэгуаор зыдедзэм, стадионым ­дэт таблом уахътэу къыгъэлъагъощтыгъэр: 8:9. «Краснодар» рекордэу ыгъэуцугъэр къыхэдгъэщызэ, «Ростов» иешIакIэ зэрэхигъа­хъорэр, медальхэм афэбэнэн зэ­рилъэкIыщтыр дгъэшIагъорэп.

Апэ ишъыгъэхэ командэхэм ямызакъоу ауж къинэхэрэм ты­наIэ атетыдзагъ. «Урал» итренер шъхьаIэу В. Ганчаренкэм къы­зэриIуагъэу, «Урал» мурад ин- хэр иIэх.

Апшъэрэ купым къыхэзынэу «Торпедэр» фаеп, командэм зэ­хъокIыныгъэхэр щэкIох, зэнэ­къо­къур нахь гъэшIэгъон мэхъу.

ЧIыпIэхэр зэтэгъапшэх

«Зенит» — 30 «Ростов» — 25 «Спартак» — 25 ЦСКА – 24 «Краснодар» — 21 «Шъачэ» — 20 «Оренбург» — 18 «Ахмат» — 17 «Динамо» — 17 «Пари НН» — 13 «Кр. Советов» — 11 «Урал» — 10 «Факел» — 10 «Локомотив» — 9 «Химки» — 8 «Торпедо» — 6. «Локомотив» итренер шъхьаIэ, спортымкIэ директорыр яIэна­тIэхэм аIуагъэкIыгъэх.

Я 13-рэ зэнэкъокъухэр

14.10 «Ростов» — «Урал» 15.10 «Химки» — «Факел» «Торпедо» — «Локомотив» «Краснодар» — «Ахмат» «Динамо» — «Оренбург» 16.10 «Кр. Советов» — «Шъачэ» «Пари НН» — «Зенит» ЦСКА — «Спартак».