«Динамо-МГТУ-м» иапэрэ зэIукIэгъухэр
Урысыем волейболымкIэ изэнэкъокъу хэлэжьэрэ командэхэу апшъэрэ лигэм икупэу «Б-м» хэтхэм 2022 — 2023-рэ илъэс ешIэгъур рагъэжьагъ.
Мыекъопэ «Динамо-МГТУ-р» Воронеж щыкIогъэ зэIукIэгъухэм ахэлэжьагъ. Апэрэ едзыгъом Воронеж ыкIи Обнинскэ якомандэхэм ащыIукIагъ.
— Купэу «Б-м» хэт командэ анахь лъэшхэм тадешIагъ, ешIэгъухэр тшIуахьыгъэх, — къытиIуагъ Мыекъопэ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм. — Зичэзыу зэIукIэгъухэм зафэтэгъэхьазыры.
«Динамо-МГТУ-м» ятIонэрэ едзыгъом хэхьэрэ ешIэгъухэр Ростов-на-Дону щыриIэщтых.
Чъэпыогъум и 26-м «Ростов-на-Дону икомандэ дешIэщт.