«Зэкъошныгъ» Мыекъуапэ – «Легион» Махачкала – 1:0. Чъэпыогъум и 8-м АР-м истадион щызэдешIагъэх.

«Зэкъошныгъ»: Хьачыр, Кириленко, Т. ХъуакIо, Гусенгаджиев, Лысенко, Датхъужъ (Крылов, 54), Къонэ, Макоев, Орзей, Пекъу, Iащэ (Антоненко, 87). Къэлапчъэм Iэгуаор дэзы­дзагъэр: Къонэ – 11, пенальти.

Угловоир Къонэ Амир къызетым, «Легионым» иухъумакIохэм ащыщ Iэгуаор ыIэ тефагъ. Судьям пенальтир ыгъэунэфыгъ. А. Къо­нэм къэлапчъэм Iэгуаор дидзагъ.

«Легиогным» пчъагъэр зэри­хъокIынэу амалышIухэр заулэрэ иIагъэх. КъэлэпчъэIутэу Хьачыр Тамерлан цыхьэшIэгъоу ешIагъ, Iэгуаом кIуапIэ ритыгъэп.

Iащэ Анзор, Илья Кириленкэр, Пекъу Ислъам, Датхъужъ Адам, нэмыкIхэри гупчэм итхэу ухъумакIохэр къызэранэкIыщтыгъэх, ау къэлапчъэм Iэгуаор дадзэныр къадэхъущтыгъэп. Нахь чанэу ти­ешIакIохэр зэнэкъокъум хэла­жьэ­хэзэ текIоныгъэр нахьыбэрэ къыдахы тшIоигъу.

НыбжьыкIэхэм афэгушIуагъэх

Къыблэм, Темыр Кавказым футболымкIэ яешIакIохэу 2006-рэ илъэсым къэхъугъэхэм язэ­нэ­къокъу аухыгъ. Адыгэ Рес­публи­кэм изаслуженнэ трене— рэу Тэтэр Нурбый, тренерэу Пэ­унэжь Азэмат зипащэхэ ко­ман­дэм апэрэ чIыпIэр къыдихыгъ.

Адыгэ Республикэм физкультурэмкIэ ыкIи спортымкIэ и Комитет итхьаматэ игуадзэу Андрей Бородиныр, АР-м футболымкIэ испорт еджапIэ ипащэу Хьабэхъу Рустем командэм фэгушIуагъэх. ЕшIакIохэм спорт шъуашэхэр, нэмыкI шIухьафтынхэр афашIы­гъэх.

Я 12-рэ ешIэгъухэр

«Биолог» — СКА – 4:1, «Мэщыкъу» — «Форте» — 0:1, «Алания-2» — «Черноморец» — 0:1, «Спартак» — «Ессентуки» — 1:0, «Кубань-Холдинг» — «Динамо» — 1:2, «Ротор» — «Чайка» — 0:0.

ЧIыпIэхэр

1. «Чайка» — 27 2. «Черноморец» — 24 3. «Ротор» — 24 4. «Биолог» — 24 5. «Кубань Х» — 21 6. «Форте» — 19 7. «Спартак» — 18 8. СКА — 17 9. «Мэщыкъу» — 13 10. «Зэкъошныгъ» — 12 11. «Динамо» — 11 12. «Алания-2» — 6 13. «Легион» — 6 14. «Ессентуки» — 5. Я 13-рэ зэIукIэ­гъухэр 14. 10 «Ессентуки» — «Ротор» 15.10 «Черноморец» — «Зэкъош­ныгъ» «Динамо» — «Алания-2» «Форте» — «Спартак» «Мэщыкъу» — «Легион» «Чайка» — «Биолог» СКА — «Кубань Х».

— Мыгъэ ешIэгъу хьылъэхэр къытфэнагъэх. Зэнэкъокъум чIыпIэ хэхыгъэ къыщыдэтхыным тыфэбанэрэп. Адыгэ Республикэм щапIугъэ ныбжьыкIэхэр нахьыбэ хъухэу командэм зэрэтштэщтхэм, дэгъоу зэредгъэшIэщтхэм тыпылъ, ар типшъэрылъ шъхьаIэу тэлъытэ, — къытиIуагъ «Зэкъошныгъэм» итренер шъхьаIэу ШакIо Ащэмэз.