«АГУ-Адыиф» Мыекъуапэ — «Лада»Тольятти — 20:32 (9:16). Чъэпыогъум и 8-м АР-м испорт Унэшхоу Кобл Якъубэ ыцIэ зыхьырэм щызэдешIагъэх.

«Адыиф»: къэлэпчъэIутхэр: Якупова, Баскакова; ешIакIохэр: Краснокутская — 4, Никулина — 3, Кириллова — 1, Морозова — 1, Мещерякова, Къэбж — 2, Куцевалова — 1, Казиханова — 2, Голунова — 1, Краснова — 1, Кожубекова — 3, Сиднина — 1. «Ладэм» къыхэщыгъэхэр: Кирдяшева – 10, Кипень – 6.

Пчъагъэр ешIэгъум зэрэщылъы­кIуатэрэр къыдэплъытэмэ, «Ады­ифым» текIоныгъэр къыдихын зэримылъэкIыщтыр пшIэнэу щы­тыгъ: 11:17, 14:19. Д. Казихановар изакъоу къэлэпчъэIутым екIуи, хъагъэм Iэгуаор дахэу ридзагъ. Е. Краснокутскаяр ухъу­макIом IэкIэкIи, ешIапIэм тефэзэ къэлапчъэм Iэгуаор дидзагъ. З. Къэбжыр пчэгум итэу ухъумакIохэм ябэнызэ хъагъэм Iэгуа­ор ридзагъ.

«Адыифыр» загъорэ арэущтэу дахэу ешIэщтыгъ. «Ладэм» къы­шIопхьыным е лъэшэу бгъэгумэкIыным фэшI текIоныгъэм екIурэ нэмыкI шIыкIабэ умыгъэфедэ хъущтэп. Ащ фэдэ ешIэкIэшIум «Адыифыр» непэ фэхьазырэп. Джырэ уахътэ «Ладэр» хэпшIыкIэу «Адыифым» нахь лъэш.

Д. Никулинам, А. Куцеваловам, Ю. Кожубековам, З. Къэбжым, нэмыкIхэм яIэпэIэсэныгъэ хагъэ­хъоным фэшI уяжэн фае. Опыт зиIэхэ Оксана Колодяжнаям, Кобл Зуриет, фэшъхьафхэм шъобжхэр агъэхъужьых, зэIукIэгъухэм ахэлажьэхэрэп.

ЕшIэгъум икIэух зэрэкIуагъэр: 15:19, 16:26, 18:30, 20:32. «Ладэр» псынкIэу ыпэкIэ илъызэ шъуамбгъоу ешIагъ.

Суперлигэм хэт гандбол клубхэр зэрешIагъэхэр зэфэтэхьысыжьых.

«Балтийская заря» — ЦСКА — 20:38, «Астраханочка» — «Ставрополье» — 34:28, «Динамо» — «Ростов-Дон» — 19:31, «Кубань» — «Университет» — 31:20.

Зэтэгъапшэх

1. «Ростов-Дон» — 10 2. ЦСКА — 8 3. «Астраханочка» — 8 4. «Звезда» — 8 5. «Лада» — 8 6. «Ставрополье» — 6 7. «Динамо» — 5 8. «Кубань» — 4 9. «Луч» — 4 10. «Университет» — 4 11. «Феникс» — 3 12. «Балтийская заря» — 2 13. «АГУ-Адыиф» — 0.

Чъэпыогъум и 14-м «Феникс» Китай, и 16-м ЦСКА Москва «Адыифыр» адешIэщт. ЗэIукIэ­гъухэр Москва щыкIощтых.