Урысыем футболымкIэ иапшъэрэ куп хэт футбол командэхэм чъэпыогъум и 1 – 3-м я 11-рэ зэIукIэгъухэр яIагъэх. ЕшIэгъухэр «Оренбург» — «Шъачэ» — 4:1, «Химки» — ЦСКА – 1:2, «Локомотив» — «Урал» — 2:4, «Факел» — «Торпедо» — 2:2, «Зенит» — «Ростов» — 3:1, «Пари НН» — «Спартак» — 1:2, «Ахмат» — «Динамо» — 2:1, «Крылья Советов» — «Краснодар» — 0:0. ТекIоныгъэм икъыдэхын ЦСКА-р «Химки» дешIэзэ Ф. Ча­ловым гъогогъуитIо къэлапчъэм Iэгуаор дидзагъ. ЦСКА-м пчъагъэм хигъэхъонэу амалышIу­хэр иIагъэх, ау ыгъэфедэнхэ ылъэкIыгъэп. Б. Магомедовым ЦСКА-м икъэлапчъэ Iэгуаор дидзи, «Химки» фэгумэкIхэрэр ыгъэ­гушIуагъэх. ЦСКА-м икъэлапчъэ къызэриухъумэщтым пылъэу зэIукIэгъур командэхэм аухыгъ. «Зенит» иешIакIохэу Малком, Вендел, Кузяевым я 14, 65, 77-рэ такъикъхэм Iэгуаор хъагъэм ра­дзагъ. «Ростов» иешIакIоу Н. Комличенкэм я 47-рэ такъи­къым «Зенит» икъэлапчъэ Iэгуа­ор дидзагъ. 2022 – 2023-рэ илъэс зэнэкъокъум «Ростов» апэрэу ешIэгъур шIуахьыгъ. «Зенит» мыгъэ зыкIи зэIукIэгъур шIуахьыгъэп. «Пари НН» «Спартак» дешIэзэ, Майгэ я 37-рэ такъикъым къэлапчъэм Iэгуаор дидзагъ – 1:0. «Спартак» пчъагъэм емызэгъэу бэрэ ыпэкIэ илъыщтыгъ. Николсон ухъумакIом ебэнызэ къэлапчъэм дахэу дауи, хъагъэм Iэгуаор я 65-рэ такъикъым ридзагъ – 1:1. Промес пенальтикIэ хъагъэм Iэгуаор ридзи, «Спартак» 2:1-у текIоныгъэр къыдихыгъ. «Шъачэ» 1:4-у ешIэгъур «Оренбург» шIуихьыгъ. «Шъачэ» мыгъэ ешIакIоу хэкIыжьыгъэр бэ, шъобж къызытыращагъэхэри командэм хэтых. Арэу щытми иешIакIэ хигъэхъонэу, тигъэгушIонэу фэтэIо. «Краснодар» Самарэ зыще­шIэм, пчъагъэр зэфэдэу аухыгъ. «Краснодар» икъэлэпчъэIутэу Матвей Сафоновым ухьазырыныгъэ дэгъу дэдэ къыгъэлъэгъуагъ, ешIэкIо анахь дэгъоу зэIукIэгъум къыщыхахыгъ. ЧIыпIэу зыдэщытхэр 1. «Зенит» — 29 2. ЦСКА – 23 3. «Ростов» — 22 4. «Спартак» — 22 5. «Краснодар» — 21 6. «Шъачэ» — 17 7. «Ахмат» — 17 8. «Динамо» — 16 9. «Оренбург» — 15 10. «Пари НН» — 12 11. «Кр. Советов» — 11 12. «Факел» — 9 13. «Локомотив» — 9 14. «Химки» — 8 15. «Урал» — 7 16. «Торпедо» — 5. Апэ ишъыгъэх Къэлапчъэм анахьыбэрэ Iэ­гуаор дэзыдзагъэхэр 1. К. Промес – 9, «Спартак» 2. Э. Сперцян – 8, «Краснодар» 3. «К. Нобоа – 8, «Шъачэ» 4. Ф. Малком – 7, «Зенит» 5. Н. Комличенко – 6, «Ростов» 6. В. Сычевой – 6, «Оренбург» 7. Ф. Чалов – 6, ЦСКА 8. Д. Полоз – 6, «Ростов». Я 12-рэ зэIукIэгъухэр 7.10. «Урал» — «Химки» 8.10. «Факел» — «Зенит» ЦСКА – «Динамо» «Шъачэ» — «Локомотив» 9.10. «Спартак» — «Кр. Советов» «Торпедо» — «Пари НН» «Оренбург» — «Ахмат» «Ростов» — «Краснодар».