Урысыем футболымкIэ и Кубок къыдэхыгъэным фэгъэхьыгъэ зэнэкъокъум апшъэрэ купым хэт клубхэр хэлажьэх.

Ящэнэрэ ешIэгъухэр зэрэкIуа­гъэхэм шъуащытэгъэгъуазэ.

ЕшIэгъухэр

«Урал» — «Торпедо» — 1:0, «Химки» — «Локомотив» — 0:5, «Краснодар» — «Пари НН» — 2:0, «Ахмат» — «Ростов» — 3:1, «Оренбург» — «Динамо — 2:2, пенальтикIэ 4:3, ЦСКА — ­«Шъачэ» — 2:1, «Факел» — «Крылья Советов» — 0:1, «Спар­так» — «Зенит» — 3:0.

Клубхэр купи 4-у гощыгъэх. ПэшIорыгъэшъ зэIукIэгъухэр зэ­фэтэхьысыжьых. ЕшIэгъу щырыщ яIагъ. Ящэнэрэ зэIукIэгъу-хэм къахэтэгъэщы «Спартак» «Зенит» зэрэтекIуагъэр.

Апэрэ едзыгъом ыуж зэIу­кIэгъур зыхьыщтыр къэшIэгъуаеу щытыгъ. «Зенит» къэлапчъэм зэ­рэдаорэм ипчъагъэ тренер шъхьаIэу Сергей Семак ыгъэра­зэщтыгъэп. Арэу щытми, ятIонэ­рэ едзыгъом «Зенит» иешIакIэ зэхъокIыныгъэу фишIыгъэр макIэ. «Спартак» нахьыбэрэ ыпэкIэ илъыщтыгъ, къэлапчъэм пэ­чыжьэхэу ешIакIохэм Iэгуаор хъагъэм радзэным пылъыгъэх. Александр Соболевыр «Зенит» икъэлапчъэ лъэшэу дауи, пчъагъэр 2:0 зэхъум текIоныгъэр зы­хьыщтымкIэ упчIэ щыIэжьы-гъэп. «Спартак» нахь псынкIэу зэрешIагъэм шIуагъэ къыфихьыгъ.

«Краснодар» Нижний Новгород икоманэ дешIэзэ, зэIукIэгъум иаужырэ такъикъхэм гъогогъуитIо къэлапчъэм Iэгуаор ди­дзагъ. Шъачэ икомандэ ЦСКА-р къытекIуагъэми, «Шъачэ» иIэпэ­Iэсэныгъэ зэрэхигъахъорэр зэ­IукIэгъум къыщылъэгъуагъ.

Зэнэкъокъухэм ясудьяхэм япшъэрылъхэр зэрагъэцакIэхэ-рэм тимыгъэразэу, упчIэхэр къа­пкъырыкIэу къыхэкIы. «Спартак» — «Зенит», ЦСКА — «Шъачэ», нэмыкI зэIукIэгъухэм тигупшы­сэхэр афэгъэхьыгъэх.

ЧIыпIэхэр

Купэу А-р 1. «Краснодар» — 7 2. «Пари НН» — 5 3. «Локомотив» — 5 4. «Химки» — 1.

Купэу В-р 1. «Спартак» — 9 2. «Кр. Советов» — 6 3. «Зенит» — 3 4. «Факел» — 0.

Купэу С-р 1. «Ахмат» — 6 2. «Ростов» — 6 3. «Оренбург» — 4. «Динамо» — 3.

Купэу Д-р 1. ЦСКА — 9 2. «Урал» — 6 3. «Торпедо» — 3 4. «Шъачэ» — 0.

Апшъэрэ купым хэт футбол командэхэм 2022 — 2023-рэ илъэс зэнэкъокъум хэхьэрэ ешIэгъухэр мы мафэхэм яIэщтых. Хэгъэгум и Кубок фэгъэхьыгъэ ешIэгъухэр зыщыIэщтхэ мафэ- хэм пэшIорыгъэшъэу шъуащыдгъэ­гъозэщт. Кубокым фэбанэрэр бэ, зыхьыщтыр къэшIэгъуае.