«Ставрополье» Ставрополь – «АГУ-Адыиф» – 25:22 (15:9). Iоныгъом и 21-м Ставрополь щызэдешIагъэх. «Адыиф»: къэлэпчъэIутхэр: Якупова, Баскакова; ешIакIохэр: Краснокутская – 1, Никулина – 4, Кириллова – 3, Колодяжная – 1, Морозова – 1, Мещерякова, Куцевалова – 7, Казиханова, Поршина – 2, Голунова, Краснова – 1, Кожубекова – 2, Сиднина. «Ставропольем» къыхэщыгъэ­хэр: Бельчикова – 6, Сивовалова – 5. ЕшIэгъум ия 41-рэ такъикъ пчъагъэр 17:16 хъугъэ. Ащ ыуж: 20:17, 21:20. Я 54-рэ такъикъым А. Куцеваловам хъагъэм Iэгуаор редзэ – 21:21. Зэнэкъокъур аухынкIэ такъикъи 4 къэнагъэу А. Куцеваловам икIэрыкIэу тегъэ­гушIо – 22:22. ЗэIукIэгъум икIэух бысымхэр нахь чанэу ешIагъэх: 24:22, 25:22. «Адыифым» хэтхэу Д. Казихановам, Е. Краснокутскаям, А. Красновам, нэмыкIхэм къэлапчъэм Iэгуаор нахьыбэрэ да­дзэнэу, ошIэ-дэмышIэу апэкIэ илъыхэзэ ухъумакIохэр агъэгумэкIынхэу тяжэ. Е. Голуновар иIэпэIэсэныгъэкIэ къахэщын елъэкIы, ау хъагъэм Iэгуаор ридзэным фэшI хэкIыпIэхэр къыгъотыхэрэп. Суперлигэм хэт гандбол командэхэм мыгъэ ешIэгъу тIурытIу яIагъ. КIэуххэр «Ростов-Дон» – «Кубань» – 36:29, «Луч» – «Балтийская заря» – 30:27, «Феникс» – «Лада» –19:39, «Динамо» – ЦСКА – 21:33, «Феникс» – «Университет» – 28:26. «Адыифыр» Урысыем икомандэ анахь лъэшхэм ащыщэу «Ростов-Доным» Iоныгъом и 23-м Ростов-на-Дону щыIукIэщт. Чъэпыогъум и 6-м «Адыифыр» «Университетым» Мыекъуапэ щыде­шIэщт.