«Университет-2» Ижевск — «АГУ-Адыиф-2» Мыекъуапэ — 14:26 (9:10). Iоныгъом и 17-м Ижевскэ щызэдешIагъэх.

«Адыиф-2-м» къыхэщыгъэхэр: Гильфанова — 5, Добарджич — 4, Къэбж — 4, коваленко — 4, Дыды — 3.

ЯтIонэрэ зэIукIэгъур

«Университет-2» — «Адыиф-2» — 19:25 (10:13). Iоныгъом и 18-м Ижевскэ щызэIукIагъэх.

Къэлапчъэм Iэгуаор анахьыбэрэ дэзыдзагъэхэр: Добарджич — 9, Къэбж — 5, Коваленко — 4, Гильфанова — 3.

Урысыем иныбжьыкIэ гандбол командэхэу апшъэрэ купым хэтхэм 2022 — 2023-рэ илъэс ешIэгъур рагъэ­жьагъ. Мыекъуапэ ия 2-рэ командэ апэрэ ешIэгъуитIури «Ижевскэ» щыкIуагъэх. — Нахь ныбжьыкIаIохэм щысэ афэхъухэзэ дэгъоу ешIагъэх Дарья Гильфановар, Къэбж Заремэ, Виктория Коваленкэр, Сельма Добарджич, — къыIуагъ «Адыиф-2-м» итренер шъхьаIэу, Урысыем спортымкIэ изаслуженнэ мастерэу Яна Усковам.

Анахь ныбжьыкIэхэм ащыщэу Дыды Эвелинэ гъогогъуи 3 къэлапчъэм Iэгуаор зэрэдидзагъэр гъэхъагъэкIэ фэ­тэлъэгъу. ИIэпэIэсэныгъэ хигъэ­хъонэу фэтэIо. Iоныгъом и 20 — 21-м «Адыиф-2-р» «Лада-2-м» Тольятти щызэIукIагъэх.