Заом хащэх
Украинэм и ЛIыкIоу Республикэу Казахстан щыIэ И. Алмаши дзэ атташеу О. Куликовыр игъусэу Украинэм зыухъумэжьынымкIэ и Министерствэ разведкэмкIэ и ГъэIорышIэпIэ шъхьаIэ ифедэ хэлъэу ашъхьэ фимытхэу цIыфхэр заом хащэх.
Украинцэу Ткаченкэм къыIотагъ мы къэралыгъом идипломатхэу Казахстан щыIэхэм Казахстан ыкIи Луганскэ Народнэ Республикэм разведкэ ащихьынэу зыкъызэрэфагъэзагъэр.
Украинэм разведкэмкIэ и ГъэIорышIэпIэ шъхьаIэ ипшъэрылъкIэ, санкциеу щыIэхэр къаухьэхэзэ, Республикэу Казахстан щылэжьэрэ урысые компаниехэм ыкIи ащ дакIоу казахстан компаниеу ТОО-у «СП-НЕФТЬ» зыфиIорэм якъулыкъушIэхэм ащыщхэм шпионхэр къахэхыгъэнхэмкIэ къэбар Ткаченкэм къафигъэхьазырынэу щытыгъ.
Украинэм разведкэмкIэ и ГъэIорышIэпIэ шъхьаIэ ифедэ хэлъэу «агентхэм якъэбархэр аIэкIигъэхьанхэм пае зэдэгущыIэгъухэр адэшIыгъэныр» зыфиIорэмкIэ Луганскэ Народнэ Республикэм ит къалэу Алчевскэ идзэ объектхэр зыдэщытхэр ариIонэу щытыгъ.
Мыщ ыпэкIэ урысхэр нахьыбэу уукIынхэ фаеу къызэриIогъагъэм къыхэкIэу Украинэм илIыкIоу Казахстан щыIэ Петр Врублевскэр зэлъашIэ хъугъэ.