«Зэкъошныгъ» Мыекъуапэ – «Биолог-Новокубанск» Прогресс – 0:1 (0:1). Iоныгъом и 10-м Мыекъуапэ щызэдешIагъэх.

«Зэкъошныгъ»: Ковалев, Кириленко, Гусенгаджиев, Лысенко (Iащэ,88), Къонэ, Крылов (Антоненко, 78), Макоев (Байрамян, 78), Орзей, Пекъу (Телепов, 70), Малкандуев, ХъуакIо. Къэлапчъэм Iэгуаор дэзы­дзагъэр: Черчесов Инал – 9.

«Биологыр» я 9-рэ такъикъым ыпэкIэ къызелъым, «Зэкъошныгъэм» иухъумакIохэр икъоу зэгу­ры­Iуагъэхэп, Прогрессым иешIа­кIохэм пхъашэу апэуцугъэхэп. Инал Черчесовым Iэгуаор къызы­IэкIэхьэм, псынкIэу къэлапчъэм дэуагъ. Р. Ковалевым Iэгуаом зылъидзыгъ, ау къызэкIидзэжьын ылъэкIыгъэп.

ЗэIукIэгъум иапэрэ едзыгъо хьакIэхэм пчъагъэм хагъэхъоным фэшI амалышIухэр заулэрэ яIагъэх, ау къэлапчъэм блэугъэх.

«Зэкъошныгъэм» иешIакIохэр бэрэ апэкIэ илъыгъэх. А. Къонэр джабгъу лъэныкъомкIэ ухъума­кIохэм «апхырыкIэу», ыгъэгумэкIыхэу уахътэ къыхэкIыгъ шъхьае, хъагъэм Iэгуаор тиешIакIохэм радзэн алъэкIыгъэп. Д. Крыловыр, А. Макоевыр къэлапчъэм лъэшэу дэуагъэх, ау Iэгуаор къэлэпчъэпкъым шъхьарыкIыгъ.

ЯтIонэрэ купым хэтхэм я 8-рэ ешIэгъухэр футбол командэхэм зэраухыгъэхэр.

«Ессентуки» — СКА — 2:2, «Кубань Холдинг» — «Алания-2» — 2:0, «Спартак» — «Черноморец» — 2:3, «Форте» — «Динамо» Ст — 2:2, «Ротор» — «Легион» — 5:1, «Мэщыкъу» — «Чайка» — 0:0. ЧIыпIэхэр 1. «Ротор» — 19 2. «Чайка» — 19 3. «Биолог» — 17 4. «Кубань Х» — 15 5. «Черноморец» — 14 6. «Форте» — 12 7. «Спартак» — 11 8. СКА — 10 9. «Динамо» — 8 10. «Зэкъошныгъ» — 6 11. «Ессентуки» — 5 12. «Алания-2» — 5 13. «Легион» — 4 14. «Мэщыкъу» — 4. Я 9-рэ ешIэгъухэр 18.09 «Зэкъошныгъ» — «Кубань Х» СКА — «Форте» «Алания-2» — «Мэщыкъу» «Легион» — «Биолог» «Чайка» — «Ессентуки» «Черноморец» — «Ротор». 19.09 «Динамо» — «Спартак».