Урысыем футболымкIэ иапшъэрэ куп хэт клубхэу 2022 — 2023-рэ илъэс зэнэкъокъум хэлажьэхэрэм шышъхьэIум и 19 — 21-м я 6-рэ ешIэгъухэр яIагъэх.

ЗэIукIэгъухэр

«Крылья Советов» — «Факел» — 1:1, «Урал» — «Пари НН» — 0:1, «Химки» — «Локомотив» — 0:3, «Динамо» — «Спартак» — 1:0, «Ростов» — «Шъачэ» — 2:2, ЦСКА — «Ахмат» — 4:2, «Зенит» — «Торпедо» — 2:0, «Краснодар» — «Оренбург» — 2:0.

Анахьыбэу зэплъыгъэхэр

«Зенит» — «Торпедо» — нэбгырэ мин 33-м нахьыб, «Динамо» — «Спартак» — мин 25-м къехъу, «Краснодар» — «Оренбург» — мин 21-м нахьыб, ЦСКА — «Ахмат» — мин 13-м нахьыб. «Зенит» ауж къинэрэ командэм дешIагъ нахь мышIэми, стадионым цIыфыбэ къызэрэкIуагъэр бгъэшIэгъонэу щыт. «Краснодар» иешIэгъухэм нэбгырабэ сыдигъуи яплъы. Санкт-Петербург, Москва, Краснодар якомандэхэр хэгъэгум икъалэхэм щысэшIу афэхъух.

ЕшIэгъу шъхьаI

Я 6-рэ ешIэгъухэм «Динамэр» ыкIи «Спартак» къахэтэгъэщых. «Спартак» текIоныгъэм ишъыпкъэу фэбэнагъ, ау «Динамэм» шIокIын ылъэкIыгъэп. «Спартак» иухъумакIохэм ащыщэу Умяровым Iэгуаор къэлэпчъэIутэу Селиховым фызэкIидзэжьыгъ. «Дина­мэм» иешIакIоу Тюкавиныр а уахътэм къэлапчъэм пэблагъэу зэрэщытыгъэм Умяровым гу лъи­тагъэп. Тюкавиным Iэгуаор къыз­IэкIигъахьи, хъагъэм ридзагъ — 1:0.

«Динамэм» иешIакIохэм къэлэпчъэпкъым, къэлэпчъэбгыкъум Iэгуаор тырагъафэу къыхэкIыгъ, текIоныгъэм нахь пэблэгъагъэх.

«Шъачэ» Ростов-на-Дону ще­шIэзэ пчъагъэр 2:0-у къыхьы­щтыгъ. Такъикъи 10-м нахь макIэ къэнагъэу «Ростов» зэкIэлъыкIоу тIогъогогъо хъагъэм Iэгуаор ридзагъ — пчъагъэр зэфэдэ хъугъэ. ЕшIэгъу уахътэр аухыгъэу судьям къафыхигъэхъогъэ такъикъхэр зыщаухыщтым «Ростов» иешIакIоу Уткиным пенальтир зегъэцакIэм, къэлэпчъэпкъым Iэгуаор тыригъэ­фагъ. Ащ ыпэкIэ «Шъачэ» икъэлэпчъэIутэу Адамовым пенальтир къызэкIидзэжьыгъ.

«Краснодар» иешIакIэ хегъахъо. «Зенит» «Торпедэм» текIуагъэми, къэлапчъэм Iэгуаор дидзэныр къехьылъэкIыгъ.

«Урал», «Химки» ятренер шъхьа­Iэхэр зэблахъугъэх, ау яешIакIэ зэхъокIыныгъэшIухэр шIэхэу фэхъущтхэми къэшIэгъуае. В. Гончаренкэр тренер IэпэIас, «Урал» пащэ зэрэфэхъугъэм шIуа­гъэу къытыщтыр уахътэм къыгъэнэфэщт. «Торпе­дэм» Савичевыр пащэ фашIыгъ, клубыр ащи егъэ­гугъэ.

ЧIыпIэхэр 1. «Зенит» — 14 2. ЦСКА — 13 3. «Спартак» — 13 4. «Динамо» — 12 5. «Ростов» — 12 6. «Краснодар» — 11 7. «Шъачэ» — 10 8. «Ахмат» — 8 9. «Химки» — 7 10. «Кр. Советов» — 6 11. «Локомотив» — 6 12. «Оренбург» — 6 13. «Пари НН» — 5 14. «Факел» — 4 15. «Урал» — 1 16. «Торпедо» — 1. Я 7-рэ зэнэкъо­къухэр 26.08. 20:00 «Шъачэ» — «Химки» 27.08. 15:00 «Пари НН» — «Динамо» 27.08 17:30 «Факел» — «Спартак» 27.08 20:00 «Ахмат» — Крылья Советов» 28.08 13:00 «Урал» — «Зенит» 28.08 15:00 «Локомотив» — «Оренбург» 28.08 17:30 «Торпедо» — «Краснодар» 28.08. 19:45 «Ростов» — ЦСКА.