Батырхэм язэIукIэгъухэр
Урысыем атлетикэ онтэгъумкIэ испортсмен анахь лъэшхэм язэнэкъокъу шышъхьэIум и 25 — 31-м Москва щыкIощт.
— Хэгъэгум испортсмен лъэшхэм анахь лъэшыжьхэр ары Москва щызэIукIэщтхэр, — къытиIуагъ Адыгэ Республикэм атлетикэ онтэгъумкIэ испорт еджапIэу Чыржьын Мухьарбый ыцIэ зыхьырэм ипащэу, спортымкIэ дунэе класс зиIэ мастерэу Сихъу Рэмэзан. — Тиреспубликэ щыщ батыритIу зэхэщакIохэм къыхахыгъ.
Артем Горловым, кг 89-м нэс къэзыщэчыхэрэм якуп, зэнэкъокъум зыфегъэхьазыры. Тренерхэу Александр Горловымрэ Роман Казаковымрэ ипащэхэу Тэхъутэмыкъое районым зыщегъасэ. Кощхьаблэ щыщ нарт шъаоу Дзэсэжъ Аслъан, кг 73-рэ, иIэпэIэсэныгъэ хегъахъо. Тренерхэу Сихъу Аслъанрэ Сихъу Рэмэзанрэ ипащэх.
Батырхэм хэушъхьафыкIыгъэ егъэджэн-зэIукIэгъухэр афызэхащэх. Зэнэкъо-къур ушэтыпIэшIу афэхъущтэу тренерхэм алъытэ.