Адыгэ Республикэм и ЛIышъхьэу КъумпIыл Мурат пшъэрылъ афишIыгъэу Геническэ районым ис кIэлэцIыкIоу мыгъэ апэрэ классым кIощтхэм апае Iэмэ-псымэ зэхэлъэу афащэщтхэм анэмыкIэу джыри зы шIухьафтын афагъэхьазыры.

Iоныгъом и 1-м ипэгъокIэу кIэлэцIыкIу джэгупIи 10 щагъэпсын гухэлъ яI. Ащ фэшI мы районым ипсэупIэхэр зэтырагъэпсыхьанхэу Адыгеим икIынышъ, псэолъэшI техникэр кIощт.

А зэпстэумэ анэмыкIэу шIушIэ IэпыIэгъоу тонн 20 партиеу «Единэ Россием» и Адыгэ шъолъыр къутамэ егъэхьазыры. Гъомылапхъэхэр, спорт Iэмэ-псымэхэр, нэжъ-Iужъхэр зыщаIыгъ унэхэм ачIэсхэм нахь ящыкIэгъэщт пкъыгъохэр охътэ благъэм атIупщыщтых.

Адыгеим ипащэхэмрэ Урысые политическэ партиеу «Единэ Россием» и Адыгэ шъолъыр къутамэрэ шIушIэ IэпыIэгъум къыхэлэжьагъэхэм, волонтерэу ащ игъэхьазырын зиIахь къыхэзылъхьэхэрэм зэрафэразэхэр къыхагъэщыгъ.