Урысыем футболымкIэ иапшъэрэ куп щыкIорэ зэнэкъокъум хэлэжьэрэ клубхэм шышъхьэIум и 12 — 14-м я 5-рэ ешIэгъухэр яIагъэх.

ЗэIукIэгъухэр

«Факел» — «Урал» — 0:0, «Локомотив» — «Крылья Советов» — 1:1, «Зенит» — ЦСКА — 2:1, «Динамо — Краснодар» — 0:0, «Химки» — «Ахмат» — 1:3, «Оренбург» — «Торпедо» — 1:0, «Пари НН» — «Ростов» — 3:4, «Спартак» — «Шъачэ» — 3:0.

Яплъыгъэхэр

«Зенит» ыкIи ЦСКА-м язэIу­кIэгъу нэбгырэ мин 51-м нахьыбэ еплъыгъ. «Динамо» — «Краснодар» мин 19,5-рэ фэдиз, «Факел» — «Урал мин 18-м нахьыб, «Спартак» — «Шъачэ» мин 11-м ехъу. Анахь макIэу зэплъыгъэхэр «Химки» — «Ахмат» — 1250-рэ.

«Зенит» ЦСКА-м зыIокIэм, Малком ЦСКА-м икъэлапчъэ Iэгуаор дидзагъ. ЦСКА-р ыпэкIэ зелъым, «Зенит» иухъумакIо шапхъэр ыукъуагъ. Пенальтир Чаловым дэгъоу ыгъэцэкIагъ — 1:1. КомандитIуми пчъагъэр зэрахъокIынэу амалышIухэр яIагъэх. Я 85-рэ такъикъым Мантуан метрэ 25-рэ фэдизкIэ ЦСКА-м икъэлапчъэ пэчыжьэу дауи, Iэгуа­ор хъагъэм ридзагъ. ЦСКА-м иухъумакIохэр а уахътэм цыхьэшIэгъоу ешIагъэхэп, къэлэпчъэ­Iутэу Акинфеевым Iэгуаом зылъи­дзыгъ, ау гужъуагъэ, зэкIидзэ­жьынэу игъо ифагъэп. «Зенит» текIоныгъэр къыдихыгъ. С. Юран иIэнатIэ IуагъэкIыгъ

Футболым щызэлъашIэу, «Химки» итренер шъхьаIэу С. Юран иIэнатIэ IуагъэкIыгъ — клубым ипащэхэм икъоу агурыIуагъэп. «Спартак» Москва илъэсыбэрэ щешIагъэу, Урысыем ихэшыпыкIыгъэ командэ итренер шъхьаIэу щытыгъэ Н. Писаревыр «Химки» итренер шъхьаIэу агъэнэфагъ. ЗэхъокIыныгъэм шIуагъэу къытыщтыр щыIэныгъэм къыщынэфэщт. Апэрэ ешIэгъур «Химки» 1:3-у шIуахьыгъ. «Урал» итренер шъхьа­Iэу И. Шалимоври иIэнатIэ Iуагъэ­кIыгъ.

«Спартак» иешIакIэ фэкIо

Командэм иешIакIэ къыгъотыным мэхьэнэ ин иIэу спортым щалъытэ. «Спартак» мыгъэ иIэпэIэсэныгъэ хигъэхъуагъ. «Шъачэ» зыдешIэм, Промес я 57-рэ, 84-рэ такъикъхэм, Зиньковскэм я 71-рэ такъикъым къэлапчъэм Iэгуаор дадзагъ.

«Спартак» нахь псынкIэу, зэгурыIоныгъэ хэлъэу зэрешIэрэр зэнэкъокъум къыщылъэгъуагъ. Дышъэм фэбэнэн зылъэкIыщтхэм «Спартак» ащыщ хъугъэу плъытэ хъущт.

«Зенит», ЦСКА, «Спартак» — ахэр апэрэ чIыпIэм фэбэнэщтых. «Шъачэ», «Краснодар», «Динамо», нэмыкIхэри апэ ишъыщт­хэм янэкъокъущтых. Ауж къинэхэрэ «Урал», «Торпедэм», фэшъхьафхэм гумэкIыгъуабэ яI.

Хэт тыдэ щыIа?

1. «Спартак» — 13 2. «Зенит» 11 3. «Ростов» — 11 4. ЦСКА – 10 5. «Шъачэ» — 9 6. «Динамо» — 9 7.«Краснодар» — 8 8. «Ахмат» — 8 9. «Химки» — 7 10. «Оренбург» — 6 11. «Кр. Советов» — 5 12. «Факел» — 3 13. «Локомотив» — 3 14. «Пари НН» — 2 15. «Торпедо» — 1 16. «Урал» — 1. Я 6-рэ зэнэкъо­къухэр 19.08. 19.00 «Кр. Советов» — «Факел» 20.08. 13:00 «Урал» — «Пари НН» 20.08. 15.00 «Химки» — «Локомотив» 20.08. 17:30 «Динамо» — «Спартак» 20.08. 20:00 «Ростов» — «Шъачэ» 21.08. 15.00 ЦСКА – «Ахмат» 21.08. 17:30 «Зенит» — «Торпедо» 21.08 20:00 «Краснодар» — «Оренбург».