«Ростов-Дон» Ростов-на-Дону – «АГУ-Адыиф» Мыекъуапэ – 35:21 (18:15). ШышъхьэIум и 12-м Ростов-на-Дону щешIагъэх.

2022 – 2023-рэ илъэс ешIэ­гъум клубхэм зыфагъэхьазыры. Уплъэ­кIун зэIукIэгъум хэлэжьэгъэ тиешIакIохэу къэлапчъэм Iэгуаор дэзыдзагъэхэр: Колодяжная — 4, Куцевалова — 4, Голунова — 3, Кобл — 2, Казиханова — 2, Никулина — 2, Морозова — 2, Кириллова — 1, Краснокутская — 1.

— Апэрэ едзыгъом «Ростов-Доным» ыпэ тишъэу уахътэ къыхэ­кIыгъ. ТекIоныгъэр къыдэтымыхыгъэми, «Адыифым» ешIэкIэ дэгъу къыгъэлъэгъуагъэу сэлъы­тэ, — къытиIуагъ клубым итренер шъхьа­Iэу Александр Реввэ.

Спартакиадэм хэлэжьэщт

ШышъхьэIум и 20 – 29-м Урысыем и Спартакиадэ хэхьэрэ ешIэгъухэр гандболымкIэ Звенигород щыкIощтых. «Адыифыр» мэфэкум гъогу техьащт.

«Астраханочка» Астрахань, «Звезда» Звенигород, «Ростов-Дон» Ростов-на-Дону «Университет» Ижевск, «Адыиф» Мыекъуапэ, нэмыкIхэри Спартакиадэм хэлэжьэщтых.

Урысыем гандболымкIэ изэнэкъокъу суперлигэм Iоныгъо мазэм и 10-м щаублэщт. «Адыифыр» «Луч» Москва Мыекъуапэ щыIукIэщт.