Урысыем тхэквондомкIэ и Спартакиадэ Москва щыкIуагъ. Хэгъэгум ибэнэкIо анахь лъэшхэр зэнэкъокъугъэх.

Адыгэ Республикэм испорт еджапIэу N 2-м зыщызыгъэсэрэ Кристина Дюбинам, кг 73-м къехъухэрэм якуп, ящэнэрэ чIыпIэр къыщыдихи, джэрз медалыр къыфагъэшъошагъ.

— Адыгэ Республикэм изаслуженнэ тренерэу Василий Есиным Кристина Дюбинар егъасэ, — къытиIуагъ АР-м испорт еджапIэу N 2-м ипащэу, Урысыем, Адыгеим язаслуженнэ тренерэу Хъот Юныс. — Урысыем ихэшыпыкIыгъэ командэ Кристина Дюбинар хэтэу зэнэкъокъу зэфэшъхьафхэм зафегъэхьазыры. Сурэтым итхэр: Спартакиадэм медальхэр къыщыдэзыхыгъэхэр: К. Дюбинар ящэнэрэу щыт.