«Ессентуки» Ессентуки — «Зэкъошныгъ» Мыекъуапэ — 0:2 (0:1). ШышъхьэIум и 13-м Ессентуки щешIагъэх.

«Зэкъошныгъ»: Ковалев, Кири­ленко (Телепов, 88), Т. ХъуакIо, Гусенгаджиев, Лысенко, Дат­хъужъ, Къонэ, Крылов, Макоев (Хьасанэкъу, 81), Васильев, А. Делэкъу (Малкандуев, 66). Къэлапчъэм Iэгуаор дэзыдзагъэр: А. Датхъужъ — 23, 50.

«Зэкъошныгъэр» бэрэ ыпэкIэ илъыгъ, нахь шъуамбгъоу ыкIи псынкIэу зэрешIэщтым пылъыгъ.

Аутыр Н. Лысенкэм къызыредзэм, А. Къонэр Iэгуаом лъы­чъагъ. ЕшIэкIуитIумэ азыфагу Амир дэкIи, А. Датхъужъым Iэгуаор ритыгъ. Адам къэлап­чъэм пэблагъэу зэрэщытыр къыз­фигъэ­феди, Iэгуаор хъагъэм ри­дзагъ — 0:1.

Я 50-рэ такъикъым А. Макоевым Iэгуаор ыпэкIэ ытыгъ. Т. Хъуа­кIом тазыр ешIапIэм Iэгуаор ридзагъ. А. Датхъужъым уахътэр къызфигъэфеди, къэлапчъэм Iэгуаор дидзагъ – 0:2. — «Зэкъошныгъэм» иешIакIэ зэблехъу, текIоныгъэм фэбэнэным фэшI шIыкIэшIумэ алъэ­хъу, — къытиIуагъ клубым итренер шъхьаIэу ШакIо Ащэмэз. — «Зэкъошныгъэм» къылъыплъэхэрэр нахьыбэрэ дгъэгушIохэ тшIоигъу, зичэзыу зэIукIэгъухэм яплъынхэу ты­къяджэ.

2022 — 2023-рэ илъэс зэнэкъо­къум «Зэкъошныгъэм» апэрэу къэлапчъэм Iэгуаор дидзагъ, текIоныгъэр апэрэу къыдихыгъ. ТиешIакIохэм ягъэхъагъэхэм ахагъэхъонэу афэтэIо.

ЗэIукIэгъухэр

ЯтIонэрэ купым хэт футбол клубхэм я 4-рэ ешIэгъухэр зэраухыгъэхэм шъуащытэгъэгъуазэ. «Спартак» — «Кубань-Холдинг» — 2:0, «Форте» — «Алания-2» — 5:0, «Мэщыкъу» — «Динамо» — 1:3, СКА – «Черноморец» — 0:2, «Ротор» — «Биолог» — 2:1, «Чайка» — «Легион» — 6:1.

Зэтэгъапшэх

1. «Ротор» — 12 2. «Кубань-Х» — 9 3. «Черноморец» — 7 4. «Биолог» — 7 5. СКА — 7 6. «Чайка» — 6 7. «Динамо» Ст – 5 8. «Зэкъошныгъ» — 4 9. «Форте» — 4 10. «Спартак» — 4 11. «Ессентуки» — 3 12. «Мэщыкъу» — 2 13. «Легион» — 1 14. «Алания-2» — 1.

Я 5-рэ зэIукIэгъухэр

21.08 «Зэкъошныгъ» — «Форте» «Легион» — «Ессентуки» «Алания-2» — «Спартак» «Кубань-Х» — «Ротор» «Мэщыкъу» — «Биолог» «Динамо» — СКА «Черноморец» — «Чайка».