Адыгэ Республикэм псэолъэшIынымкIэ иIофы­шIэхэу, иветеранхэу лъытэныгъэ зыфэтшIыхэрэр! Шъуисэнэхьат епхыгъэ мэфэкIымкIэ — псэолъэшIым и МафэкIэ тышъуфэгушIо! Мы мэфэкIыр специалистыбэмэ — архитекторхэм, дизайнерхэм, прорабхэм, чырбыщзэтелъхьэ­хэм, монтажникхэм ыкIи нэмыкI­хэу зиIофшIэнкIэ цIыфхэм ящы­IакIэ афэзыгъэдахэхэрэм, цIыф­хэр зычIэсырэ унэхэр, промышленнэ псэуалъэхэр, социальнэ учреждениехэр зыгъэпсыхэрэм хагъэунэфыкIы. Мы аужырэ илъэсхэм псэолъэшIыным Адыгеим псынкIэу зыщеушъомбгъу. ПсэолъэшIхэм яхъупхъагъэ ишIуагъэкIэ псэупIэ метрэ минишъэ пчъагъэ респуб­ликэм щатыгъ, социальнэ мэ­хьанэ зиIэ псэуалъэхэр щашIыгъэх ыкIи щагъэцэкIэжьыгъэх. Мэхьанэшхо зиIэ Iоф зэрэзэшIуахырэм, республикэм ихэхъоныгъэ яIахьышхо зэрэхашIыхьэрэм афэшI Адыгеим ипсэолъэшIхэм лъэшэу тафэраз. ПсэолъэшIыным иветеранхэу зышъхьамысыжьэу лэжьагъэхэм, хэбзэ шIагъохэм арыгъозагъэ­хэм шъхьафэу «тхьашъуегъэ­псэу» ятэIо. Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, шъуиIофшIэн гъэхъэгъакIэхэр щышъушIынэу шъуфэтэIо! Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат Адыгэ Республикэм и Къэралыгъо Совет —Хасэм и Тхьаматэу Владимир Нарожнэр