Адыгэ лъэпкъым икультурэ зыгъэбаигъэхэм, зыIэтыгъэхэм ащыщ зэлъашIэрэ джэгуакIоу Джамырзэ Ибрахьимэ. Ар къызыхъугъэр мы мазэм илъэси 125-рэ мэхъу.

АдыгеимкIэ къуаджэу Афыпсыпэ щыщыгъ. Музыкэ Iэмэ-псымэ зэфэшъхьаф­хэм къаригъаIощтыгъ, шыкIэпщынэри пщынэри ыгъэбзэрабзэщтыгъэх. Ащи изакъоп, орэдыIо ыкIи орэдусышхуагъ. Джамырзэ Ибрахьимэ иунэ жъи кIи бэ щызэрэугъоищтыгъэр, орэдыжъхэм, таурыхъхэм, тарихъ къэбархэм ядэIунхэр зикIасэхэр щызэIукIэщтыгъэх. Джа­мырзэр джэгокIо къодыягъэп, ышIэрэм гъуни-нэзи иIагъэп, лъэпкъ Iэмэ-псымэм ыIапэ зэрэнэсэу, мэкъэмэ цIыкIум псэ къыпигъакIэщтыгъ.

Анахьэу джэгухэр ары адыгэ пщынэр зыщагъэфедэщтыгъэр, Ибрахьимэ ыгъэ­джэгурэ нысащэхэр дэрмэн зэрылъ унэ­гъо пытэ хъухэу аIощтыгъ, лъытэныгъэ­шъхьэкIафэ зыфашIыщтыгъэ джэгокIо­шхуагъ. Джамырзэм ипщынэ къегъэIуа­кIэ­кIэ ифонозапись зырызхэр къэ­нагъэх, ахэм яхьатыркIэ лъэпкъ искусст­вэм иIэпэIасэ зыфэдагъэм щыгъуазэ охъу.

Джамырзэ Ибрахьимэ ипсауныгъэ къыхаIи, ынэ ымылъэгъу зэхъум, ыгукIэ икIэсэ сэнэхьатри музыкант-пщынэо цIэрыIом ыгъэтIылъын фае хъугъэ ыкIи, ыпэкIэ фэдэу, цIыф зэхэхьэпIэ-хъяры­шхо­хэм ахэхьажьыщтыгъэп. 1983-рэ илъэ­сым дунаим ехыжьыгъ. Ау ащ фэдэ пщынэо IэпэIасэм, шыкIэпщынэо Iазэщтыгъэм, джэгокIо дэгъугъэм ыцIэ шIукIэ зие лъэпкъым икультурэ къыхэнагъ.

Дзэукъожь Нуриет.