ГущыIэ щэрыохэр
Анахь тын гъотыгъуаеу акъылыр Тхьэшхом къыуипэсыгъэмэ, унасыпышIу! * * * ГущыIэр — кIуачIэ: Iушым IэкIафэ- мэ, IашIу, шъоу, Iэзэгъу. Акъылынчъэм егъэчэрэгъумэ, дыджы, зэзы. * * * Акъыл зиIэм нишъэ лъэплъэ: ехъуа- псэх, енэкъокъух, ебгъуох; шъугъолэ-нэкъокъуалэхэр бамыкIэу хэпкIэх. * * * Щытхъу фалIэр тхьамыкI, ежь хэткIи, сыдкIи «шIумышIэ» телъ. * * * ГущыIэ чъэпхъыгъэ лъэшыр мыхьамелэ IашIу фэд — хэти егъэшхэкIы, хегъахъо. * * * Лъэпкъ шIулъэгъур къэлэжьыгъошIоп. Псэм ифабэ шъхьамысырэм ар къыфэ- кIо хабзэ. * * * ГъэшIэ такъикъ пэпчъ хэткIи шIуа- гъэ горэ хэлъэу бгъэфедэшъуныр — насыпыгъ. АщкIэ гукъэбзагъэр зыщызэтегъэщэгъэ тхэныр амал шIагъу. * * * ЦIыфхэр зэхэмышIыкIхэу, ягугъэ-гукIаехэр къыплъымыIэсхэу, гуегъу-гу- кIэгъу афыуимыIэу, тхэкIо зэфэ дэгъу ухъун плъэкIыщтэп. * * * Псапэр къэгъэхъэгъошIу, ау гуныхьэр пщыныжьыгъуай. * * * Зыгорэм уенэкъокъуфэ, о зэнэкъокъужь: зэгыижь, зытеIункIэжь, зыкIэнэкIэжь — бгъэшIагъоу укъызкIэIэжьыщт. * * * Хэта джырэ дунай тынчэу щыпсэу- рэр? — Дэгоу, бзакоу, хьафизэр ары. «Шыихъхэм» ябзэджэшIагъэ рагъэкъужьэу, ахэм сэдэкъашъо фэдэхэр апагъохых. * * * Гу бзэджабэр зыщыIорышIэрэ дунаир сысы хъугъэ. * * * Лъапси шъхьапи зимыIэм сыда узэреджэщтыр? — «купкIынчъ — нэкIы». * * * Делэмрэ Iушымрэ зэрэзэтекIырэр? — Делэм щыхьэгъу-дэогъу иIэп, Iушым дэогъуишъэ фашIы. * * * Мы дунэе пшъыгъэм гъэшIэн псалъэр шъуагъо щыхъугъ: чIыгур гущыIэ гуаом егъэтхытхы, егъэщэIу. Мамырыкъо Нуриет.