Рахманиновым ыусыгъэхэм ядэIух
Композиторэу С. В. Рахманиновыр къызыхъугъэр илъэси 150-рэ зэрэхъурэм фэгъэхьыгъэ концертхэр Урысыем щэкIох.
Хэгъэгум илъэпкъ проектэу «Культурэр» щыIэныгъэм щыпхыращызэ, Адыгэ Республикэм и Къэралыгъо филармоние пчыхьэзэхахьэр щызэхащагъ. Москва и Къэралыгъо академическэ филармоние иконцертнэ залэу С. В. Рахманиновым ыцIэ зыхьырэм щыкIогъэ пчыхьэзэхахьэр Урысыем къыщагъэлъэгъуагъ. Урысыем и Лъэпкъ филармоническэ оркестрэ идирижерыр Владимир Спиваков. Ар япащэу Ева Геворгян (фортепиано) С. В. Рахманиновым ипроизведениехэр къырагъэIуагъэх.
Москва щыкIогъэ концертыр Адыгэ Республикэм и Къэралыгъо филармоние къыщагъэлъэгъуагъ. Искусствэр зышIогъэшIэгъонхэр пчыхьэзэхахьэм еплъыгъэх. Дунаим щыцIэрыIо дирижерэу В. Спиваковым, оркестрэм хэтхэм концертым IэпэIэсэныгъэ ин къыщагъэлъэгъуагъ.