Къыблэ шъолъырым икIэлэеджакIохэм я Спартакиадэ хэхьэрэ кIэух зэнэкъокъур дзюдомкIэ Ермэлхьаблэ щыкIуагъ.

Адыгэ Республикэм щыщ кIалэхэр, пшъашъэхэр яонтэгъугъэхэм ялъытыгъэу купхэм ащыбэнагъэх. Илъэс 18-м нэс зы­ныбжь спортсмен 400-м нахьыбэ зэнэкъокъугъ.

Дарья Головиновам, кг 63-рэ, ятIонэрэ чIыпIэр къыдихыгъ. Мария Лодневам, кг 63-рэ, ящэнэрэ чIыпIэр къыфагъэшъошагъ.

Мэлыщэ Аскэр, кг 90-м къехъу, дышъэ медалыр къыдихыгъ, тренерыр Ацумыжъ Заур.

Нэгъуцу Мурат, кг 46-рэ, Ем­зэщ Мурат, кг 60, Бэгъ Сэлым, кг 90-рэ, Максим Гонскэм, кг 90-м къехъу, Максим Грищук, кг 90-м къехъу, ящэнэрэ чIыпIэхэр къыдахыгъэх.

Тренерхэу С. Мерэмыр, Б. Беданыкъор, В. Божановыр, М. Шъынахъор, А. Нэгъуцур, Д. Хьакурынэр, Б. Шъэумэныр хагъэунэфыкIырэ чIыпIэхэр къыдэзыхыгъэхэм япащэх. Адыгэ Республикэм изаслуженнэ тренерэу Хьакурынэ Дамир купым ипэщагъ.

Апэрэ чIыпIищыр къэзыхьыгъэ­хэр Урысыем икIэух Спартакиадэу шышъхьэIум Саранскэ щыIэщтым щыбэнэщтых.