Урысыем, дунэе зэнэкъокъухэм щытхъуцIэхэр къащыдэзыхыгъэ орэ­дыIоу Татьяна Крашновам иконцерт Мыекъуапэ щыкIуагъ.

Адыгэ Республикэм и Къэралыгъо филармоние изэхэ­хьэ­пIэ цIыкIу щызэхащэгъэ пчы­хьэзэхахьэм классикэм хэ­хьэгъэ произведениехэу Н. Римский-Корсаковым, Дж. Верди, Р. Штраус, С. Танеевым, М. Минаковым, нэмыкIхэм ­аусыгъэхэр Т. Крашновам къы­Iуагъэх.

Адыгеим щыцIэрыIо Т. Крашновар республикэм и Къэра­лыгъо камернэ музыкальнэ театрэу А. Хьанэхъум ыцIэ зы­хьырэм иIофышIэу щытыгъ. Краснодар, Волгоград, Астрахань, фэшъхьафхэм къащитыгъэ концертхэр бэмэ шIукIэ агу къэкIыжьых. Германием, Италием ащыIагъ, ымэкъэ Iэтыгъэ ащыIугъ.

— Искусствэр зышIогъэшIэгъонхэм ащыгъупшагъэп Татьяна Крашновар Адыгеим культу­рэмкIэ и Мафэхэу Москва щы­кIуагъэхэм чанэу зэрахэлэжьагъэр, — къыщиIуагъ зэхахьэм лектор-музыковедэу Хьакъуй За­ремэ. — АР-м икомпозитор цIэ­рыIоу Тхьабысымэ Умарэ, фэ­шъхьафхэм аусыгъэхэр Тать­я­на Крашновам ирепертуар хэтых.

Дунэе зэнэкъокъум ишIу­хьафтын шъхьаIэу «Гран-при» зыфиIорэр къыдэзыхыгъэ Набэкъо Бэлэ фортепианэмкIэ Т. Крашновам къыдежъыугъ, произведение зэфэшъхьафхэр ыгъэжъынчыгъэх. Искусствэр зыгу рихьыхэрэр артисткэм Iэгу фытеуагъэх, къэгъэгъэ Iэрамхэр ратыгъэх.

Сахьидэкъо Нурбый.

Сурэтым итхэр: Набэкъо Бэл, Татьяна Крашновар, Хьа­къуй Зарем.