Сырыфыбг щыкIощт
Адыгэ хьалыжъом и Мафэ фэгъэхьыгъэ я 11-рэ зэхахьэр мэкъуогъум и 18-м Сырыфыбг (Руфабго) ипсыкъефэхыпIэхэм ащыкIощт.
Iахьзэхэлъ купэу «Руфа-Тур» зыфиIорэр, Адыгэ Республикэм зекIонымкIэ ыкIи зыгъэпсэфыпIэхэмкIэ и Комитет Iофтхьабзэр зэхащэ.
Адыгэ хьалыжъор зэрашIырэ шIыкIэм къытегущыIэщтых, зэнэкъокъухэр едзыгъуи 5-мэ ащыкIощтых.
1. «Нанэ ихьалыжъу»
2. «МэфэкI хьалыжъу»
3. «Бысымгуащэм ихьалыжъу»
4. «Нысэ Iап»
5. «Къэзыгъэзэжьыгъэ хьалыжъу».
ШэнышIу зэрэхъугъэу, зэнэкъокъум сыдигъуи чанэу хэлажьэх Кощхьэблэ, Красногвардейскэ, Теуцожь районхэр, нэмыкIхэри. Я 10-рэ зэнэкъокъум щытекIуагъэхэм ащыщых Отрэщ Симэ, ЖакIэмыкъо Бэлэ, Сихъу Светланэ, ХьакIэмызэ Ритэ, Ожъ Иринэ.
Бибэ Мурадин егъэжьапIэ зыфишIыгъэ лъэпкъ шIэжь зэнэкъокъум хэпшIыкIэу зиушъомбгъугъ. Адыгэ шхыныгъохэр IэпэIасэхэм зэрагъэхьазырырэм осэшI купым хэтхэр лъыплъэщтых, зэфэхьысыжьхэр ашIыщтых.
— Адыгэ къуаем хэпшIыкIын плъэкIыщтыр макIэп, — къытиIуагъ зэхэщэн Iофыгъохэм ахэлажьэу, республикэ общественнэ движениеу «Адыгэ Хасэм» итхьаматэу ЛIымыщэкъо Рэмэзан. —Адыгэ Республикэм ихьакIэхэр, тичIыопс идэхагъэ зэзыгъэ- лъэгъу зышIоигъохэр адыгэ хьалыжъом и Мафэ къетэгъэблагъэх.
Сырыфыбг щызэхащэрэ зэнэкъокъум культурэм иIофышIэхэр хэлэжьэщтых. Орэд къыщаIощт, къыщышъощтых, адыгэ хьалыжъом, фэшъхьафхэм яхьылIэгъэ къэбархэр къыщаIотэщтых.