Мыекъуапэ дэт динлэжь организациехэм ащыщ ипащэ экстремизмэ нэшанэ зиIэ зекIуакIэхэр зэрэзэри­хьагъэм фэшI Мыекъопэ хьыкумым уголовнэ Iоф къыфызэIуихыгъ.Урысыем и Следственнэ комитет иследственнэ ГъэIорышIапIэу Адыгэ Республикэм щыIэм МыекъуапэкIэ иследственнэ отдел уголовнэ Iофыр зэхифыгъ ыкIи мыр экстремистскэ организациеу ыгъэунэфыгъ. ЩынэгъончъэнымкIэ федеральнэ къулыкъум и Гъэ­IорышIапIэу АР-м щыIэм ыугъоигъэ материалхэмкIэ уголовнэ Iоф къызэIуахыгъ. Следствием зэригъэунэфыгъэмкIэ, Мыекъуапэ щыIэ динлэжь организациеу «Свидетелей Иеговы» (Урысыем игъэIорышIэкIо гупчэу «Свидетели Иеговы» зыфиIорэм иструктурэ хахьэ) зыфиIорэр 2017-рэ илъэ­сым шышъхьэIум и 17-м къыщегъэжьагъэу экстремистскэу хьыкумым зэригъэунэфыгъэр ыкIи ар зэрэзэфашIыгъэр пащэм ышIэзэ хабзэм димыштэрэ зекIуакIэхэр зэрихьагъэх. ГущыIэм пае, лажьэ зиIэм экстремистскэу щыт къэбархэр ыугъоищтыгъэх, шъэфэу зэIукIэхэр, тхьэлъэIухэр ригъэкIокIыщтыгъэх, видеозэпхыныгъэ шIыкIэм тетэу Интернетым инэкIубгъохэмкIэ хэбзэнчъэ зекIуа­кIэхэр зэрихьэщтыгъэх. Мыекъопэ прокуратурэм къызэIуихыгъэ уголовнэ Iофыр хьыкумым фигъэхьыгъ.