Рязань икремлэ и Кубок къыдэхыгъэным фэгъэхьыгъэ зэнэкъокъоу тхэквондомкIэ зэхащагъэм Адыгэ Респуб­ли­кэм ибэнакIохэр хэлэжьа­гъэх. — Урысыем ибэнэкIо 400-м нахьыбэ Рязань щызэIукIагъ, — къытиIуагъ Адыгэ Рес­пуб­ликэм испорт еджапIэу N 2-м ипащэу, Урысыем, Адыгеим язаслуженнэ тренерэу Хъот Юныс. — ТиныбжьыкIэхэм тхэквондомкIэ хагъэунэфыкIырэ чIыпIи 3 къыдахыгъ. Хьашх Адам ятIонэрэ чIыпIэр къыфагъэшъошагъ. Кристина Левичевамрэ Владислав Власовымрэ ящэнэрэ чIыпIэхэр къыдахыгъэх. Тренерхэу Олег Тыщенкэм, Василий Есиным тибэнакIохэр агъасэх. Хэгъэгум и Кубок Урысыем и Кубок къыдэхы­гъэнымкIэ жъоныгъуакIэм и 20-м Вла­дивосток тхэквон­дом­кIэ зэIукIэгъухэр щызэ­хащэх. Адыгэ Республикэм испорт еджапIэу N 2-м зыщызыгъасэхэрэ Даур Къадырбэч, Кристина Дюбинар, Эрик Огиенкэр, Сергей Лупетэ зэнэкъокъум хэлэжьэнхэу загъэ­хьазыры.