Къыблэм самбэмкIэ изэнэкъокъу Ермэлхьаблэ щызэхащагъ.Илъэс 12 — 14 зыныбжь кIалэхэр, пшъашъэхэр апэрэ чIыпIэмэ афэбэнагъэх. Къыблэм иныбжьыкIэ 500 фэдиз зэIукIэгъухэм ахэлэжьагъ. Адыгэ Республикэм ихэшыпыкIыгъэ командэ хагъэунэфыкIырэ чIыпIи 4 къыхьыгъ. Хьабэхъу Салбый, кг 59-рэ, Къыблэм дышъэр къыдихыгъ, тренерыр А. Хьабэхъу. Алыбэрд Муслим, кг 35-рэ, ятIонэрэ чIыпIэр къыфагъэшъошагъ, трненерэу ипащэр Хъ. ГуIэтыжь. ДыдыкI Алибек, кг 54-рэ, Нэхэе Артур, кг 65-рэ, ящэнэрэ чIыпIэхэр къахьыгъэх. Тренерхэу Хъ. ГуIэтыжьым, А. НэIэтыжьым бэнакIо- хэр агъасэх. — ХагъэунэфыкIырэ чIыпIэхэр къыдэзыхыгъэ­хэр Урысыем икIэух зэнэкъокъухэу 2022-рэ илъэ­сым, мэкъуогъум и 12-м Ермэлхьаблэ щыкIощтхэм ахэлэжьэщтых, — къытиIуагъ Адыгэ Респуб­ликэм самбэмкIэ испорт еджапIэ ипащэу, спор­тымкIэ дунэе класс зиIэ мастерэу Делэкъо Адам.