«Зэкъошныгъ» Мыекъуапэ — «Анжи» Махачкала — 2:2 (1:1). ЖъоныгъуакIэм и 6-м АР-м истадион щешIагъэх.«Зэкъошныгъ»: Хьачыр, КIышъэ, Далый, Кириленко, Богатырев (Къурмэн, 60, Крылов, 90), Макоев (Васильев, 46), Оразаев, Пекъу, Къонэ (Хьасанэкъу, 88), А. Делэкъу (Датхъужъ, 79), Iащэ. Къэлапчъэм Iэгуаор дэзы­дзагъэхэр: Iащэ — 35 (пенальтикIэ), 63 — «Зэкъошныгъ». Акаев — 32, Р. Магомедов — 57 (пенальтикIэ) — «Анжи». Метрэ 12 фэдизкIэ «Зэкъошныгъэм» икъэлапчъэ Акаевыр пэ­чыжьэу хъагъэм Iэгуаор ри­дзагъ — 0:1. Къонэ Амир тазыр ешIапIэм ихьагъэу хьакIэхэм яухъумакIо шапхъэхэр ыукъохи, Iэгуаор IэкIа­хыгъ. Пенальтир Iащэ Анзор дэгъоу ыгъэцэкIагъ — 1:1. Магомедовым тикомандэ икъэлапчъэ пенальтикIэ Iэгуаор дидзагъ. Къонэ Амир угловоир къызетым, метрэ 12 — 13 фэдизкIэ Iащэ Анзор къэлапчъэу зыпэчыжьэм лъэшэу дэуагъ, хъагъэм Iэгуаор щычэрэгъугъ. Пчъагъэр — 2:2 зэхъум командэхэр зыфэсакъыжьхэзэ апэкIэ илъыщтыгъэх. «Зэкъошныгъэр» ыпэкIэ зылъыкIуатэкIэ ешIакIоу «Анжи» икъэлапчъэ благъэу екIущтыгъэр макIэ. А. Iащэм иза­къоу ухъумакIохэм аIэкIэкIыныр, къэлапчъэм Iэгуаор дидзэныр къыдэхъущтыгъэп. «Зэкъошныгъэр» икъэлапчъэ къызэриухъумэщтым пылъыгъ. Я 29-рэ ешIэгъухэр СКА — «Черноморец» — 3:0, «Ротор-2» — «Биолог» — 1:3, «Алания-2» — «Чайка» — 0:7, «Форте» — «Мэщыкъу» — 2:1, «Динамо» Мх — «Легион» 3:0, «Кубань-Холдинг» — «Спартак» — 0:3, «ТIуапсэ» — «Ессентуки» — 3:0. ЧIыпIэхэр 1. СКА — 65 2. «Динамо» Мх — 65 3. «Чайка» — 60 4. «Форте» — 51 5. «Черноморец» — 47 6. «Кубань-Х.» — 46 7. «Анжи» — 41 8. «Легион» — 36 9. «Биолог» — 35 10. «ТIуапсэ» — 35 11. «Спартак» — 34 12. «Зэкъошныгъ» — 28 13. «Мэщыкъу» — 27 14. «Динамо» Ст — 25 15. «Ротор-2» — 20 16. «Алания-2» — 12 17. «Ессентуки» — 10. Я 30-рэ зэIукIэ­гъухэр 11.06 «Анжи» — «Алания-2» 12.05 «Мэщыкъу» — «Динамо» Мх «Спартак» — «Форте» «Биолог» — «ТIуапсэ» «Легион» — «Ротор-2» «Ессентуки» — СКА «Чайка» — «Кубань-Х.» «Черноморец» — «Дина— мо» Ст.