Апшъэрэ купым хэт футбол командэхэм мэлы­лъфэгъум и 23 — 25-м я 26-рэ ешIэгъухэр яIагъэх.

ЗэIукIэгъухэр

«Урал» — «Уфа» — 2:1, «Локомотив» — «Нижний Новгород» — 2:1, «Шъачэ» — «Ахмат» — 3:2, «Химки» — «Крылья Советов» — 4:1, «Рубин» — «Арсенал» — 1:0, «Ростов» — «Спартак» — 3:2, ЦСКА – «Динамо» — 1:0, «Краснодар» — «Зенит» — 1:3.

Якъалэхэм ащешIэгъэ команди 6-мэ текIоныгъэр къыдахыгъ. Ащ фэдэ бэрэ къыхэкIырэп. «Краснодар» «Зенит» зыIокIэм, пчъагъэр 0:2, 1:2-у щытыгъ. Сыдэу хъугъэми, «Зенит» текIоныгъэр къыдихи, дышъэ медальхэм нахь апэблагъэ хъугъэ.

«Химки» «Крылья Советов» дешIэзэ, Мырзэ Резыуан къэлапчъэм дахэу Iэгуаор дидзагъ. Бэ темышIэу Р. Мырзэр кIэщакIо фэхъуи, «Химки» пчъагъэм хигъэ­хъуагъ.

«Ростов» 2:1-у «Спартак» те­кIозэ, Руслан Литвиновыр къэлапчъэм пэчыжьэу дауи, хъагъэм Iэгуаор щычэрэгъугъ – 2:2. Я 90 +5 такъикъым Жиго дысэу ешIагъ, шапхъэр ыукъуагъ. Пенальтир Соу дэгъоу ыгъэцэкIагъ, 3:2-у «Ростов» текIуагъ. «Ростов» зы ешIэгъум пенальтир гъогогъуитIо ыгъэцэкIагъ.

ЦСКА-р «Динамэм» дешIэзэ Языджи ычIыпIэ Эджуке ешIапIэм къихьагъ, такъикъи 10 фэдиз тешIагъэу ухъумакIохэм аIэкIэкIи къэлапчъэм Iэгуаор дидзагъ — 1:0. «Динамэр» нахь пэчыжь

«Зенит» дышъэм нахь пэблагъэ зэхъум, «Динамэр» къызэкIэкIуа­гъэу тэлъытэ, дышъэм фэбэнэн ымылъэкIыщтэу зылъытэхэрэм адетэгъаштэ. «Шъачэ» зэнэкъо­къум щылъэкIуатэ, ау ешIэгъу къинхэр къыфэнагъэх. «Динамэм» кIэхьажьын ымылъэкIыщтми, джэрзым фэбэнэнэу амал иI.

Ауж къинэхэрэр

«Химки» аужырэ ешIэгъуи 6-м гъэхъагъэ ышIыгъ, зыкIи шIуахьыгъэп. Тренер шъхьаIэу Сергей Юран иIэнатIэ зыIухьагъэм къыщегъэжьагъэу командэр нахьышIоу ешIэ. «Арсенал» аужырэ чIыпIэр къыбгынэ шIоигъу, ау къыдэхъущтыр Тхьэм нэмыкI ымышIэу къытщэхъу.

Хэт тыдэ щыIа?

1. «Зенит» — 58 2. «Динамо» — 51 3. ЦСКА – 47 4. «Шъачэ» — 46 5. «Локомотив» — 41 6. «Краснодар» — 39 7. «Кр.Советов» — 38 8. «Ростов» — 34 9. «Ахмат» — 32 10. «Спартак» — 31 11. «Рубин» — 29 12. «Н.Новгород» — 28 13. «Химки» — 28 14. «Урал» — 24 15. «Уфа» — 22 16. «Арсенал» — 21. Я 27-рэ ешIэгъухэр 30.04 «Рубин» — «Шъачэ» «Динамо» — «Урал» «Краснодар» — «Ростов» «Зенит» — «Локомотив».