Москва къыщитыгъ
Адыгэ Республикэм и Къэралыгъо орэдыIо-къэшъокIо ансамблэу «Ислъамыем» мэлылъфэгъум и 25-м Москва концерт къыщитыгъ.
Адыгеим къэралыгъо гъэпсыкIэ иIэу зыпсэурэр илъэси 100, «Ислъамыер» зызэхащагъэр илъэс 30 зэрэхъухэрэм афэгъэхьыгъэ пчыхьэзэхахьэр академическэ театрэу «Русская песня» зыфиIорэм и Унэ щыкIуагъ. Концертыр адыгэ джэгукIэ аухыгъ. Лъэпкъ зэфэшъхьафхэу пчыхьэзэхахьэм щызэIукIагъэхэр тиартистхэм лъэшэу къафэразэх, «тхьашъуегъэпсэу, джыри Москва шъукъакIу» къараIуагъ.