«Луч» Москва — «АГУ-Адыиф» Мыекъуапэ — 27:33 (11:18). Мэлылъфэгъум и 25-м Москва щешIагъэх.

«АГУ-Адыиф»: къэлэпчъэIутхэр: Ламзина, Баскакова; ешIа­кIохэр: Краснокутская — 1, Никулина, Кириллова, Колодяжная — 4, С. Морозова — 1, Ме­щерякова — 1, Куцевалова — 9, Казиханова — 5, Поршина, А. Морозова — 2, Краснова — 1, Кобл — 5, Кожубекова — 3. «Лучым» къыхэщыгъэхэр: Фе­дорова — 7, Захарова — 6, Шанова — 5.

ЕшIэгъум пчъагъэр зэрэщы­лъыкIуатэщтыгъэр къыдэплъытэмэ, «Адыифым» текIоныгъэр къызэ­рэдихыщтыр къыхэщыщтыгъ: 1:4, 5:9, 11:18. Я 40-рэ такъикъым 16:24-рэ, такъикъи 10 зытешIэм 22:29-рэ хъугъэ.

Апэрэ едзыгъом Кобл Зурет дэгъоу щешIагъ, хъагъэм Iэгуаор заулэрэ ридзагъ. Ангелина Ку­цеваловам щысэшIу къыгъэлъэ­гъуагъ — ябэнызэ къэлапчъэм Iэгуаор псынкIэу дидзэщтыгъ. Я 57-рэ такъикъым А. Куцеваловам хъагъэм Iэгуаор ридзагъ — 26:33-рэ. А. Федоровам я 60-рэ такъикъым тикомандэ икъэлапчъэ Iэгуаор дидзагъ — 27:33-рэ. Суперлигэм хэт командэхэу я 9-рэ чIыпIэм фэбанэхэрэм «Адыифыр» ащыщ. ЖъоныгъуакIэм и 1-м «Адыифыр» ятIонэрэу «Луч» Москва IукIэщт. ЕшIэгъур Мыекъуапэ щыкIощт.