«Динамо-Синара» Волгоград — «АГУ-Адыиф» Мыекъуапэ — 27:25 (15:9). Мэлылъфэгъум и 12-м Волгоград щызэIукIагъэх.

«Адыиф»: Краснокутская — 8, Никулина, Кириллова — 81, Коло­дяжная — 83, С. Морозова, Ме­щерякова, Куцевалова — 82, Казиханова — 82, Поршина — 81, Краснова, Кобл — 81, Кожубекова — 87, Ламзина, Баскакова.

«Динамэм» къыхэщыгъэхэр. Старшова — 8, Долматова — 7.

Суперлигэм хэт гандбол командэхэр финалым и 1/8-м щызэдешIагъэх. «Динамэр» текIоныгъэм нахь пэблагъэу зэнэкъокъур кIуа­гъэ. Пчъагъэр я 13-рэ такъикъым 6:3 хъугъэ. Такъикъи 8 зытешIэм — 10:8. Ащ ыуж: 14:9, 18:12, 21:14. ЗэIукIэгъур аухынымкIэ такъикъи 5 къэнагъэу — 26:21.

Ю. Кожубековам, Д. Казихановам, О. Колодяжнаям, Е. Краснокутскаям такъикъищым къыкIоцI зырызэ къэлапчъэм Iэгуаор дадзэ — 26:25. «Адыифым» пчъа­гъэр зэфэдэ ышIынымкIэ гугъэр ыгъэпытэзэ ыпэкIэ ­илъыгъ, ау хъагъэм Iэгуаор ридзэнэу фэ­гъэхъугъэп.

Уахътэр 59:34-рэ хъугъэу Е. Долматовам «Адыифым» икъэ­лапчъэ Iэгуаор къыдидзагъ — 27:25. «Адыифыр» гуIэзэ ыпэкIэ илъыгъ, Кобл зуриет ухъумакIохэм аIэкIэкIыгъ, ау Iэгуаор хъагъэм ридзэн ылъэкIыгъэп.

— «Динамэм» апэрэ ешIэгъур 22:21-у, ятIонэрэр 27:25-у тшIуихьыгъэх, — къытиIуагъ «Адыифым» итренер шъхьаIэу Алек- сандр Реввэ. — «Динамэр» зэ­нэкъокъум щылъыкIотагъ, «Адыифыр» зыфэбэнэщт чIыпIэхэм, зичэзыу ешIэгъухэр зыщыкIощтхэ мафэхэм шIэхэу шъуа­щыдгъэгъозэщт.