Урысыем и Кубок къыдэхыгъэным фэгъэхьыгъэ зэнэкъокъум бзылъфыгъэ гандбол командэхэр хэлэжьагъэх. Финалныкъом нэсыгъэхэр Краснодар щызэIукIагъэх. ЕшIэгъухэр «Ростов-Дон» — «Кубань» 31:28 (18:12), «Звезда» — ЦСКА — 23:35 (10:16). Апэрэ чIыпIэм икъыдэхын «Ростов-Доныр» ыкIи ЦСКА-р фэбэнагъэх. Пчъагъэр 25:22-у ЦСКА-м ешIэгъур ыхьыгъ. «Звездар» 29:25-у «Кубань» текIуи, ящэнэрэ чIыпIэр фагъэшъошагъ. Мыекъопэ «АГУ-Адыифыр» финалныкъом нэмысэу къыхэзыгъ. ЦСКА-м апэрэу Урысыем и Кубок къыдихыгъ.