Кушъхьэфэчъэ спор­тым­кIэ Урысыем и Кубок къыдэхыгъэным фэгъэ­хьыгъэ зэнэкъокъур Мые­къуа­пэ щыкIуагъ. Трекым щызэхащэгъэ зэIукIэгъухэм бзылъфыгъэхэр ахэлэжьагъэх. Адыгэ Республикэм кушъхьэфэчъэ спортымкIэ икомандэ хэтыхэу Елизавета Арчибасовам дышъэ медалыр, Анастасия Могилевскаям тыжьыныр къыда­хыгъэх. Адыгэ Республикэм изаслуженнэ тренерэу Алексей Войновым тиспортсменкэхэр егъасэх. Омскэ щыщэу Мария Иванцовам ящэнэрэ чIыпIэр къыдихыгъ. Тиспортсменкэхэм зэнэкъокъум гъэ­хъагъэу щашIыгъэр къэралыгъо гъэ­псыкIэ иIэу Адыгеир зыпсэурэр илъэси 100 зэрэхъурэм фагъэхьы. Сахьидэкъо Нурбый.