«Зэкъошныгъ» Мыекъуапэ – «Динамо» Ставрополь – 4:1 (2:0). Мэлылъфэгъум и 6-м АР-м истадион щешIагъэх.

«Зэкъошныгъ»: Ковалев, КIышъэ, Далый (Къурмэн, 80), Гъыщ, Седов, Датхъужъ (Хьасанэкъу, 80), Макоев, Васильев (Богатырев, 58), Пекъу, Къонэ (А. Делэкъу, 71), Iащэ (КIурачын, 58).

Къэлапчъэм Iэгуаор дэзыдзагъэхэр: Макоев – 39, Васильев – 45, А. Делэкъу – 77 – «Зэ­къошныгъ». Сохиев – 68, икъэ­лапчъэ дидзэжьыгъ. Егурнев – 76, «Динамо».

«Зэкъошныгъэм» мыгъэ апэрэ текIоныгъэр къыдихыгъ. ТиешIа­кIохэр нахь зэдиштэхэу зэIукIэгъум хэлэжьагъэх.

А. Къонэм ыбгъукIэ ытыгъэ Iэгуаом А. Макоевыр лъычъагъ, тазыр ешIапIэм зыщынэсыщтым къэлапчъэм дауи, хъагъэм ри­дзагъ. А. Iащэм псынкIэу зиплъы­хьи, Iэгуаор В. Васильевым ритыгъ. Владислав ухъумакIор ыгъэплъэхъуи, хъагъэм Iэгуаор ридзагъ – 2:0.

Къонэ Анзор къэлапчъэм ылъэ­ныкъокIэ Iэгуаор зетым, «Динамэм» иухъумакIоу Сохиевыр хэукъуи, икъэлапчъэ Iэгуаор дидзагъ – 3:0. Датхъужъ Адам ыпэкIэ илъи, Iэгуаор Делэкъо Аскэр IэкIигъэхьагъ. Метрэ 16 фэдизкIэ зыпэчыжьэ къэлапчъэм А. Делэкъом Iэгуаор дидзагъ – 4:1.

ТиешIакIохэр къэлапчъэм пэчыжьэхэу даохэзэ хъагъэм Iэгуаор радзэныр къадэхъугъ, текIоныгъэм екIурэ гъогур къагъотыгъ.

Пресс-зэIукIэр

«Зэкъошныгъэм» итренерхэм яштаб ипащэу Чэгъэдыу Бибэрт ешIэгъур зэрэкIуагъэм ыгъэрэзагъ.

– ЕшIакIохэр нахь зэгурыIохэ хъугъэх, апэкIэ зилъыхэкIэ псын­кIэу хэкIыпIэхэр къагъотых, – къытиIуагъ Б. Чэгъэдыум. – НэкI­мэзэ мафэм тинасып къыхьи, текIоныгъэр къыдэтхыгъ. Спортым насып щыуиIэным мэхьэнэ ин иIэу сэлъытэ. Футболыр зы­шIогъэшIэгъонхэр, къытфэгумэкIыхэрэр нахьыбэрэ дгъэгушIохэ тшIоигъу. Зичэзыу зэIукIэгъум еплъынхэу стадионым къетэгъэб­лагъэх.

ЕшIэгъухэр

«Спартак» – «Биолог» – 0:1, «ТIуапсэ» – «Ротор-2» – 4:1, «Ессентуки» – «Алания–2» – 2:1.

ЧIыпIэхэр зэтэгъапшэх

1. СКА – 53 2. «Динамо» Мх – 50 3.«Чайка» – 48 4. «Форте» – 44 5. «Анжи» – 39 6. «Черноморец» – 38 7. «Кубань-Х.» – 36 8. «ТIуапсэ» – 29 9. «Легион» – 29 10. «Биолог» – 28 11. «Спартак» – 27 12. «Мэщыкъу» – 24 13. «Динамо» Ст – 22 14. «Зэкъошныгъ» – 20 15. «Ротор-2» – 17 16. «Ессентуки» – 10 17. «Алания-2» – 10.

Мэлылъфэгъум и 10-м «Зэкъош­ныгъэр» «Легион» Махачкала тикъалэ щыIукIэщт.