Краснодар краим икъалэу Псыфабэ (Горячий ключ) испорт еджапIэу N 1-м шъхьафит бэнакIэмкIэ зэнэкъокъу щыкIуагъ.

Командэ 12-мэ ябэнэкIуи 170-рэ алырэгъум щызэIукIагъэх. Абхъазым, Къэрэщэе­-Щэрджэсым, Краснодар краим, Адыгеим, нэмыкIхэм ябэнакIохэу 2010 — 2011-рэ илъэсхэм къэхъугъэхэр зэнэкъокъугъэх. Щынджые бэнэпIэ еджапIэм зыщызыгъэсэрэ кIэли 4 зэIукIэгъухэм ахэлэжьагъэх.

Бэгугъэ Тимур, кг 36-рэ, ящэнэрэ чIыпIэр къыдихыгъ. Нарт шъаор Щынджые ия 4-рэ класс щеджэ. Спортым апэрэ гъэхъагъэхэр зэрэщишIыхэрэм фэшI къоджэ гурыт еджапIэм къыщыфэгушIуагъэх.

— Шъхьафит бэнакIэмкIэ Щынджые спорт еджапIэм лъапсэ фэзышIыгъэ тренерэу Тэчахъо Байзэт фэгъэхьыгъэ шIэжь зэнэкъокъур мэлылъфэгъум и 17-м тикъуаджэ ятIонэрэу щызэхэтщэщт, — къытиIуагъ тренерэу Бэгугъэ Мыхьарбый. — Къэрэщэе­-Щэрджэсым, Краснодар краим, Адыгеим, нэмыкIхэм яныбжьыкIэхэр зэIукIэгъухэм ахэлэжьэщтых.

Апэрэ гъэхъагъэхэр гум нахь пытэу къе­нэжьых. Бэгугъэ Тимур, нэмыкI ныбжьыкIэхэм ямедальхэм ахагъэхъонэу, къоджэ спортыр нахь лъагэу аIэтынэу афэтэIо.

Сурэтым итыр: Бэгугъэ Тимур.