«Динамо-Синара» Волгоград — «АГУ-Адыиф» Мыекъуапэ — 23:19 (10:10). Гъэтхапэм и 26-м Волгоград щызэдешIагъэх.

«АГУ-Адыиф»: къэлэпчъэIутхэр: Ламзина, Баскакова; ешIакIохэр: Краснокутская, Нику­лина, Колодяжная — 1, Морозова — 1, Куцевалова — 8, Поршина, Краснова — 2, Кобл — 2, Кожубекова — 1, Казиханова — 4. «Динамэм» къыхэщыгъэхэр: Старшова — 5, Дудкина — 4, Лебедева — 4.

Купэу «Б-м» апэрэ чIыпIэр щызыIыгъ гандбол командэу «Динамэр» текIоныгъэм икъыдэхын нахь фэхьазырыгъ. «Адыифым» иешIакIохэм ар къагурыIозэ, зэнэкъокъум чанэу хэлэжьагъэх. Пчъагъэр зэрэлъыкIуа­тэщтыгъэм ар къеушыхьаты: 5:5, 5:6, я 18-рэ такъикъым 6:9. «Динамэм» 14:11-у ыхьы­зэ, я 47-рэ такъикъым 15:15 хъугъэ.

— ЗэIукIэгъур аухынкIэ такъикъи 8 къэнагъэу «Динамэр» тапэ ишъыгъ — 19:15, — къытиIуагъ «Адыифым» итренер шъхьаIэу, Урысыем изаслуженнэ тренерэу Александр Реввэ. — ЯтIонэрэ едзыгъом Москва щыщ судьяхэу Бакарин зэшхэр хэпшIыкIэу «Динамэм» IэпыIэгъу фэхъущтыгъэх, зафэу зе­кIуагъэхэп. «Адыифым» иешIакIохэр зэра­гъэпщынэхэрэм фэдэу «Динамэм» хэтхэр агъэпщынагъэхэп. «Адыифым» иешIэкIуищ нахь зэIукIапIэм къимынэу уахътэ къыхэ­кIыгъ…

А. Реввэ зэрилъытэрэмкIэ, А. Куцева­ловар, Д. Казихановар, Л. Баскаковар,

А. Красновар анахь дэгъоу ешIагъэх, щысэшIу къагъэлъэгъуагъ.

«Адыифым» иешIакIэ зэрэхигъахъорэр зэнэкъокъум къыхэщыгъ. Мэлылъфэгъум и 7-м «Адыифыр» «Ставропольем» Мыекъуапэ щыIукIэщт.

ЧIыпIэхэр

Купэу «Б-р» 1. «Динамо» — 36 2. «Университет» — 25 3. «АГУ-Адыиф» — 18 4. «Луч» — 16 5. «Ставрополье» — 14 6. «Уфа-Алиса» — 7.