Уахътэр лъэкIуатэ, игъом дгъэцэкIэн фэе Iофыгъохэр тIэкIэкIыхэу къыхэкIы, ау тIэкIу тешIагъэми, IофшIэнэу гъэцэкIэгъэн фаер зэшIо­хыгъэ хъумэ укIэгушIужьыщт.

Къуаджэу узыщыпсэурэм итарихъ тхыгъэу щыIэ зыхъукIэ, ащ хахъо фэхъузэ, ыпэкIэ ты­лъыкIотэщт. Ары, тинахьыжъхэм ягукъэкIыжьэу къуаджэм итарихъ хэдгъэуцон тлъэкIынэу щытыгъэхэм ащыщхэр тIэкIэкIыгъэх, арэу щытми, тфэугъоищтыр тыугъоигъэ. Материалэу щыIэр шъхьитIоу зэхэтымэ нахь тэрэзэу сшIошIы.

Апэрэ шъхьэм хэхьащтыр ЛэупэкIэ Нурбыйрэ Блэгъожъ Зулкъаринэрэ къатхыгъэ статьяу «Нэшъукъуае ижъырэ къуадж» зыфиIоу гъэзетэу «Адыгэ ма­къэм» бэдзэогъум и 24-м, 1996-рэ илъэсым къыхиутыгъэр ары.

ЯтIонэрэ шъхьэм хэхьащтхэр я ХХ-рэ, я ХХI-рэ лIэшIэгъум инепэрэ мафэхэм анэсэу Нэшъукъуае итарихъ щыщ пычыгъохэр ары. Ахэм якъэугъоин чанэу хэлэжьагъэх УдыкIэко Казбек, КIыкI Вячеслав, КIыкI Аслъан. Къуаджэм итарихъ зэхэзыгъэуцорэр сэры (КIыкI Вячеслав). Материалхэм якъэу­гъоинкIэ упчIэжьэгъоу тиIагъэ­хэм ащыщых Блэгъожъ Зул­къарин, Бэгугъэ Мос, Борс За­бур, ГъукIэлI Шумаф, ГутIэ Дзэпщ, Хъунэго Ерэджыб, Хэ­кужъ Аслъанбый, КIыкI Яхьер, КIыкI Хьанахъу, нэмыкIхэри.

СССР-м ичIыпIэ зэфэшъхьаф­хэм, непэрэ Урысыем Нэшъу­къуае щыщ цIыфхэр ащылэжьагъэх ыкIи ащэлажьэх. Ахэм ащыщхэу къэралыгъо тынхэр къызэратыгъэхэм щыгъуазэ ташIымэ, къуаджэм итарихъ хэттхэщтых. Ащ пае цIыфым ылъэкъуацI, ыцI, наградэу къыфагъэшъошагъэр, адыгабзэкIэ птхын плъэкIынэу щытмэ адыгабзэкIэ тхыгъэу, удостоверениеу ащ пылъым икопие, къытфэзыгъэхьырэм ителефон номер къытIэкIэхьанхэ фае. Ад­ре­сэу къыздэжъугъэхьыщтыр: Республика Адыгея, Теучежский район, а. Нешукай, ул. Октябрьская, 62.

Непэ ехъулIэу Нэшъукъуае щыщхэу тын лъапIэхэр къызфагъэшъошагъэу тшIэхэрэм шъуа­щытэгъэгъуазэ.

Блэгъожъ Зулкъарин — филологие шIэныгъэхэмкIэ док­тор, Адыгэ къэралыгъо университетым ипрофессорыгъ, Адыгэ Дунэе Академием иакадемик, Урысые Федерацием егъэджэн ыкIи социальнэ шIэныгъэхэмкIэ и Академие иакадемик, Адыгэ Республикэмрэ Урысые Федерациемрэ шIэныгъэхэмкIэ язаслуженнэ IофышIэшху, бгъэ­халъхьэхэу «Апшъэрэ еджапIэм гъэхъагъэу щишIыгъэхэм апай», «РСФСР-м просвещениемкIэ иотличник» зыфиIохэрэр, Зэ­къошныгъэм иорден, медаль пчъагъэ къыфагъэшъошагъэх.

Блэгъожъ Заурбый — физикэ-хьисап шIэныгъэхэмкIэ кандидат, Адыгэ РеспубликэмкIэ апшъэрэ еджапIэм изаслуженнэ IофышI, шIэныгъэхэмкIэ Дунэе академием ичлен-кор­респондентыгъ, Апшъэрэ сэнэ­хьат гъэсэныгъэмкIэ Урысые Федерацием иIофышIэ гъэ­шIуагъ, медалэу «75 лет АГУ» зыфиIорэр къыфагъэшъошагъ, Адыгэ къэралыгъо кIэлэегъэджэ институтым идоцентыгъ, Адыгэ къэралыгъо университетым эко­номикэмкIэ ифакультет ипро­фессорыгъ.

Блэгъожъ Хьазрэт — химическэ шIэныгъэхэмкIэ доктор, МКъТУ-м ипрофессорыгъ, иректорыгъ.

Блэгъожъ Хьис — ме­дальхэу «За трудовое отличие», «За доблестный труд в ознаменование 100-летия со дня рождения В. И. Ленина» зыфиIохэрэр къыфагъэшъошагъэх.

Блэгъожъ Хъымсад — СССР-м и Апшъэрэ Совет иде­путатыгъ, Хэгъэгу зэошхом иве­теран.

Блэгъожъ Хьилым — РСФСР-м изаслуженнэ агроном.

Блэгъожъ Пщымаф — УФ-м гъэсэныгъэмкIэ иIофышIэ гъэшIуагъ.

Блэгъожъ Юсыф — самбэмкIэ ыкIи дзюдомкIэ спортым имастер, Урысыем ичемпионатхэм, СССР-м и Кубок къыдэхыгъэнымкIэ зэнэкъокъум, Дунэе зэнэкъокъум япризер, СССР-м иобществэу «Урожаим» ичемпионыгъ.

Блэгъожъ Хьамид — Европэм боевой самбэмкIэ ичемпион, Дунэе зэнэкъокъухэм текIоныгъэ къащыдихэу хъугъэ, Урысыем ичемпионат апэрэ ыкIи ятIонэрэ чIыпIэхэр щиубытыгъэх.

Борс Хъызыр — Педагогикэ шIэныгъэхэмкIэ кандидат, Урысыем ыкIи Адыгэ Респуб­ликэм гъэсэныгъэмкIэ язаслуженнэ IофышI, Урысыем гурыт сэнэхьат гъэсэныгъэмкIэ иIофышIэ гъэшIуагъ, Адыгэ Къэралыгъо Советым — Хасэм и Щытхъу тхылъ къыратыгъ.

Борс Азмэт — орденэу «Щытхъум и Тамыгъ» къыфа­гъэшъошагъ, Адыгэ Республикэм изаслуженнэ псэолъэшI.

Борс Хьис — Урысыем игъогушI гъэшIуагъ.

Къэрэтэбэнэ Санет — Адыгэ Республикэм псауныгъэр къэухъумэгъэнымкIэ изаслуженнэ IофышI.

Трэхъо Аминэт — кIэлэ­егъэджэ-методист, Пшызэ къэралыгъо университетым ипрофессор, дунэе туризмэмрэ ме­­неджментымрэкIэ кафедрэм Iоф щишIагъ.

Тепсаева (КIыкI) Зарем — педагогикэ шIэныгъэхэмкIэ кандидат, АКъУ-м ишIэныгъэлэжьхэм я Совет хэт, Урысыем профессиональнэ гъэсэныгъэмкIэ иотличник, АР-м гъэсэныгъэмкIэ изаслуженнэ IофышI, Урысыем гурыт сэнэхьат гъэсэ­ныгъэмкIэ иIофышIэ гъэшIуагъ, медалэу «За заслуги перед университетом» зыфиIорэр къы­ратыгъ.

УдыкIэко Георгий — медалэу «За доблестный труд в ознаменование 100-летия со дня рождения В. И. Ленина» зыфиIорэр къыфагъэшъошагъ.

УдыкIэко Светлан — медалэу «За доблестный труд в ознаменование 100-летия со дня рождения В. И. Ленина» зыфиIорэр къыратыгъ.

УдыкIэко Юр — педагогикэ шIэныгъэхэмкIэ кандидат, народнэ гъэсэныгъэм иотличник, АР-м изаслуженнэ кIэлэ­егъадж, Зэкъошныгъэм иорден къыфагъэшъошагъ, Адыгэ Рес­публикэм и Къэралыгъо Совет — Хасэм идепутатыгъ, Комитетым ипэщагъ.

Физулин Щэмсэдин — АР-м изаслуженнэ псэолъэшI, Урысые Федерацием ипсэо­лъэшI гъэшIуагъ.

Физулин Мухьдин — УФ-м изаслуженнэ псэолъэшI.

КIыкI Зулхьадж — РСФСР-м изаслуженнэ артист.

КIыкI Хьис — АКъУ-м ипрофессорыгъ, УФ-м икомпозиторхэм я Союз хэтыгъ, АР-м искусствэхэмкIэ изаслуженнэ IофышIэшху.

КIыкI Юр — РСФСР-м инароднэ артист.

КIыкI Ибрахьим — УФ-м и Прокуратурэ иIофышIэ гъэ­шIуагъ, АР-м изаслуженнэ юрист, медальхэу «Ветеран прокуратуры», «Ветеран следственных органов», «150 лет судебной реформы России» зыфиIохэрэр къыфагъэшъо­шагъэх.

КIыкI Исмахьил —- АР-м изаслуженнэ юрист, УФ-м и Прокуратурэ иIофышIэ гъэ­шIуагъ.

КIыкI Руслъан — юсти­ци­емкIэ я 3-рэ класс зиIэ къэ­ра­лыгъо упчIэжьэгъу, АР-м иза­служеннэ юрист.

КIыкI ТIалиб — АР-м гъэсэныгъэмкIэ изаслуженнэ IофышI.

КIыкI Мэджыд — УФ-м профессиональнэ техническэ гъэсэныгъэмкIэ иотличник.

КIыкI Вячеслав — народнэ гъэсэныгъэм иотличник.

КIыкI Адам — народнэ гъэ­сэныгъэм иотличник.

КIыкI Мос — народнэ гъэсэныгъэм иотличник.

КIыкI Нуриет — народнэ гъэсэныгъэм иотличник.

КIыкI Гощмаф — народнэ гъэсэныгъэм иотличник, АР-м гъэсэныгъэмкIэ изаслуженнэ IофышI.

КIыкI Нэфсэт — кIэлэ­егъэ­джэ-методист.

Шумэн (КIыкI) Замир — филологие шIэныгъэхэмкIэ кан­дидат, УФ-м гъэсэныгъэмкIэ иIо­фышIэ гъэшIуагъ.

КIыкI Руслъан — УФ-м гъэсэныгъэмкIэ иIофышIэ гъэшIуагъ.

КIыкI Юсыф — УФ-м гъэсэ­ныгъэмкIэ иIофышIэ гъэ­шIуагъ.

КIыкI Валерий — УФ-м гъэсэныгъэмкIэ иIофышIэ гъэшIуагъ.

КIыкI Роз — филологие шIэныгъэхэмкIэ кандидат.

КIыкI Нуриет — СССР-м идонор гъэшIуагъ.

КIыкI Юр — атлетикэ онтэгъумкIэ спортым имастер, УФ-м ичемпион, Дунэе зэнэкъокъоу Кореем щыкIуагъэм Пхеньян и Кубок къыщыфагъэшъошагъ, Великобританием щыкIогъэ зэ­нэкъокъум тыжьын медаль, Дунэе зэнэкъокъоу Грецием щыкIуагъэм тыжьын медаль къащихьыгъ.

КIыкI Ахьмэд — УФ-м физическэ культурэмкIэ ыкIи спор­тымкIэ иотличник, УФ-м гъэсэныгъэмкIэ иIофышIэ гъэшIуагъ, АР-м изаслуженнэ тренер.

КIыкI Нурбый — былым­хъуным иотличник.

КIыкI Юсыф — техническэ шIэныгъэхэмкIэ доктор.

Шэуджэн Аслъанхъан —РСФСР-м изаслуженнэ кIэлэ­егъадж.

Шъаукъо Сафет — АР-м инароднэ кIэлэегъадж, народнэ гъэсэныгъэм иотличник, медалэу «Адыгеим и Щытхъузехьэр» къыфагъэшъошагъ.

ЩэшIэ Чэбэхъан — ЛэжьэкIо Быракъ Плъыжьым иорден къыратыгъ.

ЩэшIэ Тэмар — народнэ гъэсэныгъэм иотличник.

ЯхъулIэ Налбый — АР-м искусствэхэмкIэ изаслуженнэ IофышI.

КIыкI Вячеслав. Егъэджэн-пIуныгъэм иве­теран. Нэшъукъуай.