Дунэе зэIукIэгъухэу кушъхьэфэчъэ спортымкIэ Тыркуем щыкIуагъэхэм хэгъэгу зэфэшъхьафхэм яспортсменхэр хэлэжьагъэх.

Адыгэ Республикэм кушъхьэ­фэчъэ спортымкIэ иеджапIэ зыщызыгъасэу, спортымкIэ дунэе класс зиIэ мастерэу СтIашъу Мамыр зэнэкъокъум IэпэIэсэныгъэ ин къыщигъэлъэгъуагъ.

Мыжъо гъогум кушъхьэфачъэ­хэмкIэ километри 149,2-рэ къызыщакIум апэрэ чIыпIэр СтIашъу Мамыр къыдихыгъ. ЯтIонэрэ ыкIи ящэнэрэ чIыпIэхэр Михайло Кононенко ыкIи Иоган Штейн афагъэшъошагъэх.

СтIашъу Мамыр Адыгеим испортсмен анахь дэгъуи 10-у 2021-рэ илъэсым къыхахыгъэхэм ащыщ, Урысыем кушъхьэфэчъэ спортымкIэ ихэшыпыкIыгъэ командэ хэт. Адыгэ Республикэм кушъхьэфэчъэ спортымкIэ и Фе­дерацие ипащэу Анатолий Лелюк къытиIуагъ СтIашъу Мамыр мыгъэ спортым гъэхъагъэу щишIыхэрэр къэралыгъо гъэпсыкIэ иIэу Адыгеир зыпсэурэр илъэси 100 зэрэхъурэм зэрэфигъэхьыхэрэр.

Сурэтым итхэр: СтIашъу Мамыр ятIонэрэу щыт.