«АГУ-Адыиф» Мыекъуапэ – «Университет» Ижевск – 25:24 (13:12). Гъэтхапэм и 20-м АР-м испорт Унэшхоу Кобл Якъубэ ыцIэ зыхьырэм щызэдешIагъэх.

«АГУ-Адыиф»: къэлэпчъэIутхэр: Ламзина, Баскакова; ешIакIохэр: Краснокутская, Никулина – 2, Кириллова – 3, Колодяжная, Мещерякова, А. Морозова – 5, Куцевалова – 4, Казиханова – 2, Поршина – 2, Краснова – 5, Кобл – 2, Кожубекова.

«Университетым» къыхэщыгъэ­хэр: Авдошко – 8, Баталова – 6. «Адыифыр» текIоныгъэм зэ­рэфэбанэрэр ешIэгъум къыхэщыщтыгъ, ау «Университетри» бэрэ ыпэкIэ къилъыщтыгъ. Пчъагъэр зэрэлъыкIуатэщтыгъэр: 4:1, 6:2, 7:4, 10:8. Я 28-рэ такъикъым 12:12, я 37-рэ такъикъым 14:15 пчъагъэр хъугъэ.

Я 52-рэ такъикъым Д. Никулинам хъагъэм Iэгуаор редзэ – 22:21-рэ, Д. Казихановам пчъагъэм хегъахъо – 23:21-рэ. С. Поршинамрэ Т. Кирилловамрэ зырызэ къэлапчъэм Iэгуаор да­-дзэ – 25:23-рэ. Е. Бересневам «Адыифым» икъэлапчъэ Iэгуаор къыдидзагъ – 25:24-рэ. Уахътэр 59:46-рэ хъугъэу «Университетыр» ыпэкIэ къилъыгъ. Д. Авдошко лъэшэу тикъэлапчъэ къызыдэом, С. Поршинам Iэгуаор зэкIидзэжьыгъ, «Адыифым» те­кIоныгъэр къыдихыгъ.

Урысыем изаслуженнэ тренерэу, «Адыифым» итренер шъхьаIэу Александр Реввэ къэлапчъэм Iэгуаор анахьыбэрэ дэзыдзэгъэхэ Анна Красновам, Алина Морозовам, къэлэпчъэIутэу Д. Ламзинам, нэмыкIхэм къащытхъугъ.

«Адыифым» пэшIорыгъэшъ ешIэгъуи 2 къыфэнагъ. Гъэтхапэм и 26-м Волгоград щыIукIэщт «Динамэм». Мэлылъфэгъум и 7-м «Адыифыр» Ставрополь икомандэ Мыекъуапэ щыдешIэщт.

ЗэIукIэгъухэр

«Ростов-Дон» – «Лада» – 35:30, «Кубань» – ЦСКА – 27:31, «Ставрополье» – «Университет» – 21:22.

ЧIыпIэхэр

Купэу «А-р» 1. ЦСКА – 36 2. «Ростов-Дон» – 32 3. «Лада» – 25 4. «Астраханочка» – 10 5. «Звезда» – 8 6. «Кубань» – 7. Суперлигэм хэт гандбол командэхэу купэу «Б-м» щешIэхэрэр зэтэгъапшэх. 1. «Динамо» – 37 2. «Университет» – 23 3. «АГУ-Адыиф» – 18 4. «Ставрополье» – 14 5. «Луч» – 14 6. «Уфа-Алиса» – 7.

ПэшIорыгъэшъ ешIэгъухэм ауж командэхэм чIыпIэу къыдахыгъэм елъытыгъэу зэIукIэгъухэр зэдыряIэщтых.