Адыгэхэм я ИлъэсыкI
«Гигантым» щыкIощт
Адыгэхэм яшэн-хабзэу «ИлъэсыкIэ мэфэкI» зыфиIорэр гъэтхапэм и 21-м Мыекъуапэ культурэмкIэ и Унэу «Гигантым» щыкIощт.
ЗэхэщэкIо купым хэтэу, республикэ общественнэ движениеу «Адыгэ Хасэм» итхьаматэу ЛIымыщэкъо Рэмэзан къытиIуагъ концертыр, театрализованнэ едзыгъохэр гъэшIэгъонэу артистхэм къызэрагъэлъэгъощтхэр. Ом изытет къыдалъыти, цIыфхэр нахь гупсэфэу ИлъэсыкIэ мэфэкIым хэлэжьэнхэм фэшI Iофтхьабзэр «Гигантым» щызэхащэщт.
МэфэкIыр гъэтхапэм и 21-м пчыхьэм сыхьатыр 6-м рагъэжьэщт. Шъукъеблагъ зэхахьэм.
ЕмтIылъ Нурбый.