Республикэм ипарламен­таризмэ и Мафэ, Адыгеим и Парламент зызэха­щ­агъэр илъэс 30 зыщы­хъурэм Адыгэ Республикэм и ЛIышъхьэу КъумпIыл Мурат республикэм и Къэ­ралыгъо Совет — Хасэм ифракциехэм япащэхэм зэIукIэгъу адыриIагъ.

Iофтхьабзэм хэлэжьа­гъэх АР-м и Къэралыгъо Совет — Хасэм и Тхьаматэу, партиеу «Единэ Рос­сием» и Адыгэ шъо­лъыр къутамэ ифракцие ипащэу Владимир Нарожнэр, партиеу «КПРФ-м» ишъолъыр къутамэ ифракцие ипащэу Евгений Саловыр, партиеу «ЛДПР-м» ишъолъыр къутамэ ифракцие ипащэу Шэуджэн Тем­бот, «Справедливая Россия — Патриоты — за правду» зыфиIорэ партием ишъолъыр къутамэ ипащэу Александр Лобода. Джащ фэдэу АР-м и ЛIышъхьэрэ АР-м иминистрэхэм я Ка­бинетрэ я Администрацие ипащэу Владимир Свеженец зэIукIэгъум хэлэжьагъ.

Адыгеим и ЛIышъхьэ зэ­IукIэгъум хэлажьэхэрэм парламентаризмэм и Мафэ фэшI къафэгушIуагъ, апэрэ зэIукIэгъухэмкIэ депутатхэмрэ гъэцэкIэкIо хабзэм­рэ законодательнэ лъэпсэ пытэ зэрагъэтIылъыгъэр къыхигъэщыгъ.

«Адыгеим икъэралыгъо гъэпсыкIэ ылъапсэ зыгъэтIылъыгъэхэм, ащ итарихърэ республикэ парламентаризмэм итарихърэ ублапIэ афэзышIыгъэхэм щытхъу къалэжьыгъ. Адрэ зэ­­IугъэкIэгъухэм ядепутатхэм ахэм яопыт IэубытыпIэ къызыфашIыгъ. Iофыгъо гъэнэфагъэхэм язэшIо­хын­кIэ депутатхэм яеплъы­кIэ­хэр зэтемыфэщтыгъэми, сыдигъуи зы шIошIым къекIолIэнхэ ахэм алъэ­кIыщтыгъ», — къыIуагъ Къум­пIыл Мурат.

Адыгеим и Парламент закон мини 2,3-м ехъу зэриштагъэр, ахэм азыныкъо нахьыбэмэ щыIэны­гъэм илъэныкъо шъхьа­IэхэмкIэ: гъэсэныгъэмкIэ, псауныгъэм икъэухъумэн­кIэ, социальнэ фэIо-фа­шIэ­хэм язэхэщэнкIэ, цIыфхэм социальнэ IэпыIэгъу ягъэ­гъо­тыгъэнымкIэ правэм ылъэ­ныкъокIэ зэфыщытыкIэхэр зэрагъэзекIохэрэр зэIукIэгъум щыхагъэунэфыкIыгъ.

Iофтхьабзэм хэлэжьа­гъэх АР-м и Къэралыгъо Совет — Хасэм и Тхьаматэу, партиеу «Единэ Рос­сием» и Адыгэ шъо­лъыр къутамэ ифракцие ипащэу Владимир Нарожнэр, партиеу «КПРФ-м» ишъолъыр къутамэ ифракцие ипащэу Евгений Саловыр, партиеу «ЛДПР-м» ишъолъыр къутамэ ифракцие ипащэу Шэуджэн Тем­бот, «Справедливая Россия — Патриоты — за правду» зыфиIорэ партием ишъолъыр къутамэ ипащэу Александр Лобода. Джащ фэдэу АР-м и ЛIышъхьэрэ АР-м иминистрэхэм я Ка­бинетрэ я Администрацие ипащэу Владимир Свеженец зэIукIэгъум хэлэжьагъ.

Адыгеим и ЛIышъхьэ зэ­IукIэгъум хэлажьэхэрэм парламентаризмэм и Мафэ фэшI къафэгушIуагъ, апэрэ зэIукIэгъухэмкIэ депутатхэмрэ гъэцэкIэкIо хабзэм­рэ законодательнэ лъэпсэ пытэ зэрагъэтIылъыгъэр къыхигъэщыгъ.

«Адыгеим икъэралыгъо гъэпсыкIэ ылъапсэ зыгъэтIылъыгъэхэм, ащ итарихърэ республикэ парламентаризмэм итарихърэ ублапIэ афэзышIыгъэхэм щытхъу къалэжьыгъ. Адрэ зэ­­IугъэкIэгъухэм ядепутатхэм ахэм яопыт IэубытыпIэ къызыфашIыгъ. Iофыгъо гъэнэфагъэхэм язэшIо­хын­кIэ депутатхэм яеплъы­кIэ­хэр зэтемыфэщтыгъэми, сыдигъуи зы шIошIым къекIолIэнхэ ахэм алъэ­кIыщтыгъ», — къыIуагъ Къум­пIыл Мурат.

Адыгеим и Парламент закон мини 2,3-м ехъу зэриштагъэр, ахэм азыныкъо нахьыбэмэ щыIэны­гъэм илъэныкъо шъхьа­IэхэмкIэ гъэсэныгъэмкIэ, псауныгъэм икъэухъумэн­кIэ, социальнэ фэIо-фа­шIэ­хэм язэхэщэнкIэ, цIыфхэм социальнэ IэпыIэгъу ягъэ­гъо­тыгъэнымкIэ правэм ылъэ­ныкъокIэ зэфыщытыкIэхэр зэрагъэзекIохэрэр зэIукIэгъум щыхагъэунэфыкIыгъ.

«Хэбзэ къутэмэ пстэуми обществэми язэдэлэжьэныгъэ агъэлъэшызэ респуб­ликэм хэхъоныгъэ ышIын фае. КъокIыпIэ хэгъэгухэр непэ лъэшэу Урысыем къы­зыщытеIункIэхэрэ лъэ­хъаным ащ мэхьанэшхо иIэу щыт. Мы охътэ мы­псынкIэр зэпачынымкIэ цIыфхэм IэпыIэгъу тафэ­хъун, хэгъэгум иэкономикэ фэхъурэ зэхъокIыны­гъэ­хэм нахь псынкIэу задедгъэштэн фае», — къы­Iуагъ КъумпIыл Мурат.

УФ-м и Правительствэ цIыфхэм, бизнесым, отрас­лэхэм IэпыIэгъу зэрара­тыщт амалыкIэхэм зэра­лъы­­хъурэр зэIукIэгъум щы­хагъэунэфыкIыгъ. Урысыем и Президентэу Владимир Путиным хабзэм ишъолъыр къулыкъухэм видеоконференциеу адыриIагъэм ащ фэгъэхьыгъэу джыри зэ къыщиIуагъ.

«Социальнэ лъэныкъомкIэ, экономикэмкIэ итхъу­хьэгъэ Iофтхьабзэхэм ягъэ­цэкIэн лъыдгъэкIотэщт. ТапэкIи инвестициехэр нахьыбэ хъунхэм ыуж ти­тыщт, предпринимательст­вэм IэпыIэгъу тыфэхъущт, мэкъу-мэщымрэ зекIоным­рэ зядгъэушъомбгъущт. ЦIыфхэм ящыIэкIэ-псэукIэ зыкъезгъэIэтыщт Iофыгъо­хэр зэшIотхыщтых», — къы­щиIуагъ КъумпIыл Му­рат зэIукIэгъум.

АР-м и Къэралыгъо Со­вет — Хасэм ифракциехэм япащэхэм республи­кэм и ЛIышъхьэ тхьауегъэ­псэу къыраIуагъ депутатхэм яIофшIэн осэшIу къызэрэфишIыгъэм фэшI. Парламентариехэмрэ гъэцэкIэкIо хабзэм икъулы­къухэмрэ язэдэлэжьэныгъэ тапэкIи зэрагъэпытэщтым ицыхьэ зэрэтелъыр Адыге­им и ЛIышъхьэ къыIуагъ, яIофшIэн гъэхъагъэхэр ща­шIыну депутатхэм къа­фэлъэIуагъ.

АР-м и ЛIышъхьэ ипресс-къулыкъу Сурэтхэр А. Гусевым тырихыгъэх.