УФ-м и Президентэу Владимир Путиным Федеральнэ ЗэIукIэм фэгъэзэгъэ Джэпсалъэу мыгъэ къышIыщтым изы­фэгъэхьазырын фэгъэхьыгъэ зэхэсыгъом аущтэу къыщиIуагъ.

— Социальнэ лъэны­къомкIэ пшъэрылъэу ти­Iэхэр икъу фэдизэу дгъэцэкIэнхэм пае экономикэм хэхъоныгъэхэр ышIынхэ фае, — къыхигъэщыгъ къэралыгъом ипащэ. — БлэкIыгъэ илъэсыр къызэрыкIуагъэп, ау ащ пае къэмынэу экономикэм хэ­хъоныгъэхэр ышIыгъэх, ВВП-м проценти 4,6-рэ хэхъуагъ. 2020-рэ илъэсым щыкIагъэу фэхъугъагъэр зэрэхэхъожьыгъэм имызакъоу, кризисым ыпэкIэ зытетыгъэм теуцожьыгъ.

Субъектхэм зэкIэми зэ­фэдэу экономикэм илъэ­ныкъо пстэухэмкIэ хэхъо­ныгъэхэр ашIынхэм ыуж итынхэу пшъэрылъ Правительствэм къыфишIыгъ. ЦIыфхэм япсэукIэ, къэлэ щыIакIэм, экологием язытет, гъэсэныгъэм, медицинэм нахьышIум ылъэныкъокIэ зэхъокIыныгъэу афэхъугъэхэм Iофэу ашIагъэр къызэригъэлъэгъощтым къыкIигъэтхъыгъ.

— Социальнэ лъэныкъомкIэ Iофыгъо шъхьаIэу тиIэр сыдигъокIи тшъхьэ илъхэм ащыщын фае. Щы­IэкIэ къин иIэу, тхьамыкIэу псэухэрэр ары джыдэдэм зигугъу къэсшIырэр, — къыкIигъэтхъыгъ Владимир Путиным.