Урысыем изэнэкъокъоу ап­шъэ­рэ купым щыкIорэм хэлэжьэрэ футбол командэхэм я 19-рэ ешIэгъухэр мэзаем и 26 – 28-м яIагъэх. КIымэфэ зыгъэпсэфыгъом ыуж ешIэгъухэм апаублэжьыгъ. КIэуххэр «Нижний Новгород» — «Урал» — 1:0, «Химки» — «Динамо» — 0:3, «Шъачэ» — «Арсенал» — 2:0, «Спартак» — ЦСКА – 0:2, «Ахмат» — «Уфа» — 2:1, «Зенит» — «Рубин» — 3:2. ЦСКА-р «Спартак» дешIэзэ Юсуф Языджи метрэ 20 фэдизкIэ зыпэчыжьэ къэлапчъэм тазыркIэ дауи, хъагъэм Iэгуаор ридзагъ. Б.Зайнутдиноври къэлапчъэм пэчыжьэу, ухъумакIохэр бэ хъу­хэу ыпашъхьэ щытхэу Iэгуаор ди­дзагъ. «Спартак» дэеу ешIагъэп, ау хъагъэм Iэгуаор ридзэнымкIэ шIыкIэ къыфэгъотыгъэп. «Зенит» 2:0-у «Рубин» текIозэ, 2:2, 3:2 пчъагъэр хъугъэ. ЗэIукIэгъур аухынкIэ нэгъэупIэпIэгъу заулэ къэнагъэу А. Зуевыр къэлэпчъэ нэкIым шъхьэкIэ зыдаом, Iэгуаор дигъэфагъэп — блэугъ. Апэ ишъыгъэ командэхэр зэнэкъокъум щылъэкIуатэх, ауж къинэхэрэм чIэнагъэхэр ашIых. Зэтэгъапшэх 1. «Зенит» — 41 2. «Динамо» — 39 3. «Шъачэ» — 34 4. ЦСКА – 33 5. «Ахмат» — 30 6. «Краснодар» — 29 7. «Локомотив» — 28 8. «Кр. Советов» — 27 9. «Спартак» — 23 10. «Н. Новгород» — 22 11. «Рубин» — 22 12. «Урал» — 19 13. «Арсенал» — 19 14. «Ростов» — 18 15.»Уфа» — 16 16. «Химки» — 14. Я 20-рэ ешIэгъухэр 5.03 ЦСКА – Н. Новгород 6.03 «Локомотив» — «Химки» «Кр. Советов» — «Арсенал» «Зенит» — «Уфа» «Динамо» — «Спартак» 7.03 «Краснодар» — «Урал» «Ростов» — «Сочи» «Ахмат» — «Рубин».