Зигугъу тшIырэр адыгабзэмрэ адыгэ литературэмрэ ныбжьыкIэхэм ягъэшIэгъэным, лъэпкъым икIэн бай къэухъумэгъэным, ащ хэхъоныгъэ егъэшIыгъэным зищыIэныгъэ фэзыгъэлэжьэгъэ Теуцожь Хьабиб Исма­хьилэ ыкъор ары.

«Адыгэ макъэм» изичэзыу номерэу мэзаем и 8-м къыдэкIыгъэм ия 6-рэ нэкIубгъо къыщытыгъэх адыгэ тхакIохэу мэзаем къэхъугъэхэм афэгъэ­хьыгъэ тхыгъэ кIэкIхэр. ГухэкI нахь мышIэми, ащ хэукъоныгъэ хэхъухьагъ — Теуцожь Хьа­бибэ исурэт ычIыпIэ нэкIубгъом итыгъ нэмыкI цIыф шIа­гъом — Гъусэрыкъо Теуцожь Сэфэрбый ыкъом исурэт.

Хьабибэ ынэгукIэ тымышIэу щытыгъэп, «Адыгэ макъэм» ар бэрэ къатхэщтыгъ, иныбджэгъу­шIугъ, къычIахьэуи хъущтыгъ. Тэри лъэшэу тыгу къеуагъ хэу­къоныгъэ зэрэхэхъухьагъэр, ау къыхэдгъэщы тшIоигъу ар техни­ческэ хэукъоныгъэу зэрэщытыр — компьютерым сурэтэу «къы­тыгъэр» мытэрэзэу къычIэкIыгъ.

Хьабибэ цIыфхэм зэрагъэ­лъапIэщтыгъэр нафэ джыри къытфэхъугъ, бэ редакцием къы­теуагъэр ащ фэгъэхьыгъэу. Хьабибэ игупсэхэм, ар зышIэщтыгъэхэу хэукъоныгъэм гу лъызытагъэхэм зэкIэми къытфагъэгъунэу тялъэIу.

Редакциер.