Апэрэ медалыр — тыжьын
Я ХХIV-рэ КIымэфэ Олимпиадэ джэгунхэр Китаим икъалэу Пекин щэкIох.Урысыем ихэшыпыкIыгъэ командэ апэрэ медалыр зэнэкъокъум къыщыдихыгъ. Наталья Непряевам лыжнэ спортымкIэ тыжьын медалыр къыфагъэшъошагъ.
Н. Непряевар къалэу Тверь щыщ, илъэс 26-рэ ыныбжь. Апэрэ чIыпIэр Норвегием икомандэ хэтэу Тереза Йохауг къыдихыгъ.
БиатлонымкIэ зэIэпахырэ зэнэкъокъум зэхэпхъагъэхэу тиспортсменхэр хэлэжьагъэх. Ульяна Нигматуллинам, Кристина Резцовам, Александр Логино- вым, Эдуард Латыповым ящэнэрэ чIыпIэр къыдахыгъ, хэгъэгум джэрз медалыр къыфахьыгъ.
Дышъэр къэзыхьыгъэр
Александр Большуновым лыжнэ спортым дышъэ медалыр къыщыдихыгъ. ЛыжэхэмкIэ километрэ 30-р анахь псынкIэу къэзыкIущтыр язэрэмыгъашIэу спортсменхэр зэнэкъокъугъэх. Апэрэ чIыпIэр Брянскэ хэкум щыщ псэупIэу Подывотье къыщыхъугъэ Александр Большуновым
къыхьыгъ. Урысыем щыщэу Денис Спицовыр ятIонэрэ хъугъэ. Финляндием къикIыгъэ Ийво Нисканен ящэнэрэ чIыпIэр къыдихыгъ.
А. Большуновым илъэс 25-рэ ыныбжь. 2018-рэ илъэсым
Олимпиадэ джэгунхэу Къыблэ Кореем щыкIуагъэхэм тыжьын медали 3, зы джэрз къащы-дихыгъ.