Адыгэ Республикэм футболымкIэ икIымэфэ зэ­нэкъокъу хэлэжьэрэ командэхэу я 2-рэ купым хэтхэм пэшIорыгъэшъ ешIэгъухэр аухыгъэх.

ХагъэунэфыкIырэ чIыпIэхэм афэбэнэн зылъэкIыщт командэхэу финалым и 1/4-м хэхьагъэхэр зыгъэпсэфыгъо мафэхэм зэде­шIагъэх.

Зэтэгъапшэх

«Ошъутен-2» — «Космос» — 9:1, «Спортмастер-3» — «Динамо» — 5:2, «Тульскэр» — «Арсенал — 3:3, пенальтикIэ «Тульскэр 5:3-у текIуагъ. Финалым и 1/2-м щызэдешIэщтхэр къэнэфагъэх. «Ошъутен-2» — «Спортмастер-3», «Тульскэр» — «Спортмастер-2». КъэкIощт зыгъэпсэфыгъо ма­фэхэм зэдешIэнхэу командэхэм загъэхьазыры.

Я 3-рэ купыр

Спортым иветеранхэу илъэс 40-м зыныбжь къехъугъэхэр футбол зэдешIэх. «Молзавод» — «Фыщт» — 8:1, ВНГ — «Звезда» — 3:0, «Картонтара» — «Умалат» — 3:0.

Апэ ишъыгъэхэр

1. «Молзавод» — 19 2. ВНГ — 17 3. «Звезда» — 14.

— Физкультурэм, спортым ща­шIэхэрэ ешIакIохэр зэнэкъо­къум чанэу хэлэжьагъэх, — къы­тиIуагъ кIымэфэ футбол зэ­IукIэгъухэм ясудья шъхьаIэ игуа­дзэу Пэнэшъу Мыхьамодэ. — «Молзаводыр» нахь къахэзгъэщы сшIои­гъу. Къохъужъ Рустем, Хьабэхъу Рустем, Сергей Пастернак, Айтэ­чыкъо Руслъан, ХъуакIо Къэплъан, Кобл Хьалид, Кобл Хьамзэт, нэмыкIхэр гуетыныгъэ ахэлъэу текIоныгъэм фэбанэх.

Ящэнэрэ купым щешIэрэ коман­дэхэм зэIукIэгъу тIурытIу къафэнагъ. «Молзаводыр» текIоныгъэм пэблагъэ хъугъэ.